________________ पयरगकडछेएणं भोत्तव्वं अहव सीहखइएणं / एगेणमणेगेहि अ वज्जित्ता धूमइंगालं . .. // 360 // असुरसरं अचबचबं अदुअमविलंबिअं अपरिसाडिं। मणवयणकायगुत्तो भुंजइ अह पक्खिवणसोही // 361 // रागेण सइंगालं दोसेण सधूमगं मुणेअव्वं / रागद्दोसविरहिआ भुंजंति जई उ परमत्थो // 362 // जइभागगया मत्ता रागाईणं तहा चओ कम्मे / रागाइविहुरया वि हु पायं वत्थूण विहुरत्ता // 363 // निअमेण भावणाओ विवक्खभूआओ सुप्पउत्ताओ। होइ खओ दोसाणं रागाईणं विसुद्धाओ // 364 // वेअण वेआवच्चे इंरिअट्ठाए अ संजमट्ठाए। तह पाणवत्तिआएँ छटुं पुण धम्मचिंताए // 365 // णत्थि छुहाए सरिसा वेअण भुंजिज्ज तप्पसमणट्ठा। . छुहिओ वेआवच्चं न तरङ् काउं तओ भुंजे. // 366 // ईरिअं च न सोहिज्जा पेहाईअंच संजमं काउं। थामों वा परिहायइ गुणणऽणुप्पेहासु अ असत्तो // 367 // न उ वण्णाइनिमित्तं एत्तो आलंबणेण वऽण्णेणं / तं पि न विगइविमिस्सं.ण पगामं माणजुत्तं तु // 368 // जे वण्णाइनिमित्तं एत्तो आलंबणेण वऽन्नेणं। भुंजंति तेसि बंधो नेओ तप्पच्चओ तिव्वो // 369 // चिगई विगईभीओ विगइगयं जो उ भुंजए साहू / विगई विगयसहावा विगई विगई बला णेइ // 370 // खीरं दहि नवणीयं घयं तहा तिल्लमेव गुड मज्जं / महु मंसं चेव तहा ओगाहिमगं च दसमी तु // 371 / / . 31
