________________ संदिसह भणंति गुरुं उवओगं करेमु तेणऽणुण्णाया। उवओगकरावणिअं करेमि उस्सग्गमिच्चाइ // 288 // अह कड्डिऊण सुत्तं अक्खलियाइगुणसंजुअं पच्छा / चिटुंति काउसग्गं चिंतंति अ तत्थ मंगलगं // 289 // तप्पुव्वयं जयत्थं अन्ने उ भणंति धम्मजोगमिणं / गुरुबालवुड्डसिक्खगरेसिम्मि न अप्पणो चेव // 290 // चिंतित्तु तओ पच्छा मंगलपुव्वं भणंति विणयणया। संदिसह त्ति गुरूविअ लाभो त्ति भणाइ उवउत्तो // 291 // कह घेत्थिमो त्ति पच्छा सविसेसणया भणंति ते सम्मं / आह गुरू वि तह त्ति अ जह गहिअं पुव्वसाहूहिं // 292 // आवस्सियाएँ जस्स य जोगो त्ति भणित्तु ते तओ णिति / निक्कारणे न कप्पइ साहूणं वसहि निग्गमणं // 293 // गुरुणा अपेसियाणं गुरुसंदिउण वा वि कज्जम्मि। तह चेव कारणम्मि वि न कप्पई दोससब्भावा // 294 // जस्स य जोगो त्ति जइ न भणंति न कप्पई तओ अन्नं / जोग्गं पि वत्थमाई उवग्गहकरं पि गच्छस्स // 295 // साहूण जओ कप्पो मोत्तूणं आणपाणमाईणं / कप्पइ न किंचि काउं घित्तुं वा गुरुअपुच्छाए // 296 // हिंडंति तओ पच्छा अमुच्छिया एसणाएँ, उवउत्ता। दव्वादभिग्गहजुआ मोक्खट्ठा सव्वभावेणं // 297 // लेवडमलेवडं वा अमुगं दव्वं व अज्ज घिच्छामि / अमुगेण व दव्वेणं अह दव्वाभिग्गहो चेव // 298 // अट्ठ उ गोअरभूमी एलुगविक्खंभमित्तगहणं च / सग्गामपरग्गामे एवइअ घरा य खित्तम्मि // 299 // 25
