________________ कायमणोवयणाणं दुप्पणिहाणं सइअकरणं च / अणवट्ठियकरणं चिय सामाए पंच अइयारा // 1234 // पुव्विं दिसिवयमाणं जं विहियं जम्मपभिइ देसिक्कं / तं चेव मुहुत्तमित्तं जहन्नओ सव्ववयमाणं // 1235 / / एगमुहत्तं दिवसं राइं पंचाहमेव पक्खं वा / . . वयमिह धारेह दढं जावइयं उव्वहे कालं // 1236 // सच्चित्तदव्वविगई-वाहणतंबोलवत्थकुसुमेसु / वाहणसयणविलेवणबंभदिसिन्हाणभत्तेसु / // 1237 // देसावगासियं पुण दिसिपरिमाणस्स निच्चसंखेवो / अहवा सव्ववयाणं संखेवो पइदिणं जो उ // 1238 // आणवणं पेसवणं सद्दाणुवाओ य रूवअणुवाओ / बहिपुग्गलपक्खेवो दोसा देसावगासिस्स // 1239 // पोसं पुटुिं धम्मस्सं धारिज्जइ तेण पोसहो भणिओ। पव्वम्मि जो भत्तटुं सो पोसहोवाससवयाणं // 1240 // तत्थाहारसरीरा-बंभव्वावारभेयओ चउहा। . देसे सव्वे य तहा अडभंगा पोसहे भणिया // 1241 // दुगसंजोगे छक्कं चउवीसं चउगुणा कमेण इमे / . तियसंजोगे चउरो छत्तीसं हुंति सव्वे वि // 1242 // चउसंजोगि सोलस असीइ भंगा हवंति ते सव्वे / संपइ मइदुब्बलाओ देसे सव्वेहिं आहारो // 1243 // तं सत्तिओ करिज्जा तवो य जो वन्निओ समणधम्मे / देसावगासिएणं जुत्तो सामाइएणं वा // 1244 // जो सामाइयजुत्तो दुविहं तिविहेण होइ सो नियमा / संपइ एसोत्थ विही कुसलस्स जहाजहं भयणा / . // 1245 / / 248
