________________ देसे भंगो सव्वम्मि नो भंगमित्थपरिणामे / एवं भंगाभंगं अंइयारे लक्खणं नेयं - // 1127 // जं आरुग्गमुदग्गमप्पडिहयं आणेसरत्तं फुडं / रूवं अप्पडिरूवमुज्जलधरा कित्ती धणं जुव्वणं // दीहं आउमवंचणो परियणो पुत्ता विणीया सया / तं सव्वं सचराचरम्मि वि जए नूणं दयाए फलं // 1128 / / धण्णाणं धणरक्खट्ठा कीरंति वईओ जहा तहेवेत्थ / पढमवयरक्खणट्ठा कीरंति वयाई सेसाई // 1129 // किं ताए पढियाए पयकोडीए पलालभूयाए / जं इत्तियं न नायं परस्स पीडा न कायव्वा // 1130 // कि सुरगिरिणो गरुयं जलनिहिणो किं व हुज्ज गंभीरं / किं गयणाओ विसालं को य अहिंसासमो धम्मो // 1131 / / अलियं न भासियव्वं अत्थि हु सच्चं पि जं.न वत्तव्वं / सच्चं पि तं न सच्चं जं परपीडाकरं वयणं . // 1132 / / दुविहो य मुसावाणो सुहुमो थूलो य तत्थ इह सुहुमो / परिहासाइप्पभवो थूलो पुण तिव्वसंकेसा // 1133 / / कन्नागहणं दुपयाणं सूयगं चउपयाण गोवयणं / अपयाणं सव्वाणं धण्णाणं भूमिवयणं तु . // 1134 // सहसाकलंकणं 1 रहसदूसणं 2 सदारमंतभेयं च 3 / तह कूडलेहकरणं 4 मुसोवएसो 5 मुसादोसो // 1135 // लाउयबीयं इक्कं नासइ भारं गुडस्स जह सहसा / तह गुणगणं असेसं असच्चवयणं विणासेइ // 1136 / / वायसपयमिक्कं पि हु सामुद्दियलक्खणाण लक्खं पि / ' अपमाणं कुणइ जहा तह अलियं गुणगणं सयलं // 1137 / / - 239
