________________ जावज्जीवाए वि हु एसाऽबंभस्स य वज्जणा होइ / . एवं चिय जोयजुत्तो सावगधम्मो बहुप्पयारो // 1103 // एवंविहो वि नवरं सच्चित्तं पि परिवज्जए सव्वं / सत्त य मासे नियमा पासुयभोयणग तप्पडिमा // 1104 // सत्तमि सत्त उ मासे न वि आहरइ सच्चित्तमाहारं / जा जा हिट्ठिल किरिया नवरमुवरिमाण सा सव्वा // 1105 // आरंभसयमकरणमट्ठमिया अट्ठमासं वज्जेइ / असिणाणो वि हु पूयापरायणो उसिणजलन्हाणो // 1106 // जावज्जीवं सच्चित्तवज्जणा होइ जस्सा वि / कयपूओ भुंजेमि त्ति पइण्णो जस्स तस्सेवं // 1107 // नवमी नवमासं पुण पेसारंभं विवज्जए सव्वं / पुवकिरियासमेओ पूया कप्पूरवासेहिं // 1108 // दसमी पुण दसमासं उद्दिटुकडं पि तत्थ न भुंजे / छुरमुंडो ससिहो वि हु सज्झायज्झाण पुव्वुत्तो // 1109 // जं निहियमत्थजायं पुच्छंतं सुयाण नवरि सो तत्थ / जइ जाणइ तो साहइ अह न वि तो बेइ न वियाणे // 1110 // खुरमुंडो लोएण व रयहरणपडिग्गहं च गिण्हेत्ता / समणभूओ विहरइ मासा इक्कारसुक्कोसं . // 1111 // नियकुलनिस्साए वा साहम्मियाण भिक्खत्थमुवहिंडे / पडिमापडिवनस्स य दलाहि मे भिक्खमिइवयणो // 1112 // मुणिवसहीओ बहिया वसही पुव्वुत्तझाणसंजुत्तो / गामंतरे विहारं साहु व्व करिज्जमपमाओ // 1113 // ससहाओ जइ नई वि संतरिज्जा वि तहाविहे कज्जे / भावत्थयसंजुत्तो दव्वत्थयमित्थ नो कुज्जा // 1114 // 237
