________________ हरइ रयं जीवाणं बझं अब्भंतरं च जं तेणं। रयहरणं ति पवुच्चइ कारणकज्जोवयाराओ . // 132 // संजमजोगा एत्थं रयहरणा तेसि कारणं जेणं / रयहरणं उवयारो भण्णइ तेणं रओ कम्म ||133 // केई भणंति मूढा संजमजोगाण कारणं नेवं / / रयहरणं ति पमज्जणमाईहुवघायभावाओ // 134 / मूइंगलिआईणं विणाससंताणभोगविरहाई। / रयदरिथज्जणसंसज्जणाइणा होइ उवघाओ // 135 / पडिलेहिउं पमज्जणमुक्घाओ कह णु तत्थ होज्जा उ?। .. अपमज्जिउं च दोसा वच्चादागाढवोसिरणे // 136 / आयपरपरिच्चाओ दुहा वि सत्थस्सऽकोसलं नूणं / संसज्जणाइदोसा देहे इव न विहिणा हुति // 137 // अह वंदिउं पुणो सो भणइ गुरुं परमभत्तिसंजुत्ते / इच्छाकारेणऽम्हे मुंडावेह त्ति सपणामं // 138 / इच्छामो त्ति भणित्ता मंगलगं कड्डिऊण तिक्खुत्तो। गिण्हइ गुरु उवउत्तो अट्टा से तिन्नि अच्छिना // 139 / वंदित्तु पुणो सेहो इच्छाकारेण समइअं मि त्ति। आरोवेह त्ति भणइ संविग्गो नवरमायरियं // 140 // इच्छामो त्ति भणित्ता सो वि अ सामइअरोवणनिमित्तं / सेहेण समं सुत्तं कड्डित्ता कुणइ उस्सग्गं // 141 / / लोगस्सुज्जोअगरं चिन्तिय उस्सारए असंभन्ते / नवकारेणं तप्पुव्वगं च वारे तओ तिण्णि // 142 / / सामाइअमिह कड्डइ सीसो अणुकड्डई तहा चेव। . अप्पाणं कयकिच्चं मनंतो सुद्धपरिणामो . // 143 // 12
