________________ दव्वओ तिविहा वुत्तो मुद्दुवगरणोवएसपभिईहिं / सुद्धववहारजणओ लोयाणं पवयणमुहाणं // 513 // संतो पसंतचित्तो दंतो धीरो य परिसहाईहिं / / कोहाईकारणे वि हु नो वायणसिरिं पलट्टेइ // 514 // इरिया 1 भासा 2 एसण 3 गहण 4 परिठ्ठवण 5 नामओ समिई / जयणाए चरणवित्ती असुभनिवित्ती तिहा गुत्ती // 515 // आलंबणकालमग्गण-जयणाचउभेयओ तहा इरिया / तत्थ तिहालंबणयं दंसणनाणे य चरणे य // 516 // कालेण दिवसे वुत्ते मग्गे उप्पहवज्जिए / जयणा दव्वे खित्ते काले भावे तहा चउहा // 517 // कोहे 1 माणे 2 य माया 3 य लोहे 4 हासे 5 भए 6 तहा / मोहरिए 7 विगहासु 8 सव्वहा उवउत्तया // 518 // एयाइं अट्ठठाणाई परिवज्जित्तु संजए / असावज्जं मियं काले भासं भासिज्ज समिइओ // 519 // गासेसणा य गहणेसणा परिभोमेसणा य जा / आहारोवहिसिज्जाए एए तिन्नि वि सोहए // 520 // ओहोवहोपग्गहियं भंडगं दुविहं मुणी / गिण्हंतो निक्खवंतो य आयाणं निक्खिवे विहिं // 521 // उच्चारं पासवणं खेलं सिंघाणजल्लियं / / आहारं उवहिं देहं अन्नं वा वि तहाविहं // 522 // संरंभसमारंभे आरंभम्मि तहेव य / मणं वयं तहा कायं नियत्तिज्ज जयं जई // 523 // पत्तं 1 पत्ताबंधो 2 पायट्ठवणं 3 च पायकेसरिया 4 / पडलाइं 5 रयत्ताणं 6 गुच्छओ 7 पायनिज्जोओ // 524 // 187
