________________ अण्णोण्णविसंवाओ समुदायम्मि वि मिलंति नो केसि / नियनियउक्करिसेणं सामायारिं विरोहंति - // 477 // सव्वे वक्खाणपरा सव्वे थिजणुवएससीला य / / अहच्छंदकप्पजप्पा वयंति किं धम्मपरसक्खं // 478 // मंडलिजेमणिमाइववहारपरंमुहा असंबद्धा / सद्दकरा झंझकरा तुमंतुमा पावतत्तिल्ला // 479 // सिढिलालंबणकारणठाणविहारेहि सव्वमायंति / भत्तजणंगुणलेसो वि भासति महमेरूसमरिच्छो // 480 // धम्मकहाओ अहिज्जइ घराघरं भमइ परिकहतो य / . कारणपरूवणाहिं अइरित्तं वहइ उवगरणं // 481 // एगागित्थब्भमणं सव्वत्थ वि अगणिऊण पज्जाओ। सव्वे अहमिंदधम्मा नियमाणं परिभवो एणस्स // 482 / / नियकज्जे मिउवयणा कयकिच्चे फरुसवयणभासिल्ला / अइमूढगूढहियया चुण्णकणगु व्व रंगकरा // 483 // अप्पम्मि चरणधम्मं ठावंता संपयम्मि समयम्मि / विसयकसायधणंजय-जालाजलिया वि ते जाण // 484 // संजलम्मि कसाए चरणं कहियं जिणेहिं नन्नत्थ / पायं अभिण्णगंठि-प्पएसिणो ते मुणेयव्वा // 485 // वत्थि व्व वायपुण्णो अत्तुक्करिसेण जहा तहा लवइ / न वि सेवइ गीयत्थं वत्थि व्व अदंसणिज्जो सो // 486 // थद्धो निविण्णाणो परिभवइ जिणमयं अयाणंतो / तिणमिव मन्नइ भुवणं न य पिच्छइ किंचि अप्पसमं // 487 / / बहु मन्नइ गिहिलोयं गिहिणो संजमसहि त्ति भण्णंति / न य आणं मन्नति गुरूण गुरुनाणजुत्ताणं . // 488 // 184
