________________ इंदद्धयस्स सोहा करणं चउसु वि दिसासु जहसत्ती / अडमंगलाण भरणं जिणपुरओ दाहिणे वा वि . // 48 // दीवाइअग्गिकम्म-करणं मंगलपईवसंजुत्तं / गीयं नर्से वज्जं अट्ठाहियसयथुईकरणं / // 49 // एए सत्तरभेया आगमभणिया य दव्वपूयाए / जिणपडिमाण चउक्कग दुगनिक्खेवस्सावि भावजुया - // 50 // . पिंडत्थपयत्थाण-मेयं रूवाईयस्स थुइकरणं / पढमा गिहिणो पयडा बीया उचिया जइजणाणं // 51 // पढमा समंतभद्दा संपइभद्दागमेसिभद्दा य.। बीया पुण सव्वमंगल-नामा किरिया पहाणा सा // 52 // पढमा पुण सुहजोगा वंचकवत्ता य परिभवावत्ता / ... चरिमा अज्झप्पधम्मफलमित्ता सव्वमित्तीणं // 53 // सम्मद्दिट्ठीणमिणमा चरिमावत्ताण मिच्छदिट्ठीणं / अडगुणबीयमुहाणं सिवजणणी परेसिं भवजणणी // 54 // पणकल्लाणसरूव-प्पयडत्थं जा करिज्जए पूया / तत्थ सया कायव्वं धूवुग्गहदीवपमुहं जं // 55 // अन्नत्थपयत्थाइ-वत्थम्मि य जलणकिच्चमारभसं / सासयपडिमाणं पुण इमेव मियराण दोण्हं पि // 56 // न्हवणविलेवणआह-रणवत्थफलगंधधूवपुप्फेहिं / कीरइ जिणंगपूया तत्थ विही एस नायव्वो // 57 // वत्थेण बंधिऊणं आसं अहवा जहासमाहीए / वज्जेयव्वं तु तया देहम्मि वि कंडुअणमाई // 58 // काये कंडूयणं वज्जे तहा खेलविगंचणं / .. मोणं वा कइ भणणं कुज्जा पूअंतो जगबंधुणो . // 59 // 148
