________________ भूईअ मट्टिआए सुत्तेण व होइ भूइकम्मं तु / वसहीसरीर भंडगरक्खा अभिओगमाईआ . // 1644 // पण्हो उ होइ पसिणं जं पासइ वा सयं तु तं पसिणं / अंगुठ्ठच्छिट्ठपडे दप्पणे अ असितोअकुड्डाई (कुद्धाई) // 1645 // पसिणापसिणं सुमिणे विज्जासिटुं कहेइ अण्णस्स। अहवा आइंखणिआ घंटिअसिटुं परिकहेइ // 1646 // तिविहं होइ णिमित्तं तीऍ पडुप्पण्ण णागयं चेव। एत्थ सुभासुभभेअं अहिगरणेतर विभाखाएं // 1647 // एयाणि गारवट्ठा कुणमाणो आभिओगिअं बंधे। बीअं गारवरहिओ कुव्वइ आराह उच्चं च // 1648 // अणुबद्धवुग्गहो च्चिअ संतत्ततवो णिमित्तमाएसी। णिक्किव निराणुकंपो आसुरिअं भावणं कुणइ // 1649 // णिच्चं विग्गहसीलो काऊण य णाणुतप्पई पच्छा / ण य खामिओ पसीअइ अवराहीणं दुविण्हं पि. // 1650 // आहारउवहिसिज्जासु जस्स भावो उ निच्चसंसत्तो। भावोवहओ कुणइ अ तवोवहाणं तयट्ठाए // 1651 // तिविहं हवइ निमित्तं एक्किक्कं छव्विहं तु विण्णे। अभिमाणाभिनिवेसा वागरिअं आसुरं कुणइ // 1652 // चंकमणाईसत्तो सुणिकिवो थावराइसत्तेसुं / काउं व णाणुतप्पइ एरिसओ णिक्किवो होइ // 1653 // जो उ परं कंपंतं दठूण ण कंपए कठिणभावो / एसो उ णिरणुकंपो पण्णत्तो वीअरागेहिं // 1654 // उम्मग्गदेसओ मग्गदूसओ मग्गविप्पडीवत्ती। मोहेण य मोहित्ता सम्मोहं भावणं कुणइ // 1655 // 138
