________________ तिविहाऽतिवायकिरिआ अप्पपरोभयगया जओ भणिया। बहुसो अणिटुंफलया धीरेहिं अणंतनाणीहिं // 1584 // भण्णइ सच्चं एअंण उ एसा अप्पवहणिमित्तं ति / तल्लक्खणविरहाओ विहिआणुट्ठाणभावेण // 1585 // जा खलु पमत्तजोगा णिअमा रागाइदोससंसत्ता। आणाओ बहिभूआ सा होअइवायकिरिआ य // 1586 // जा पुण एअविउत्ता सुहभावविवड्डणा अ नियमेणं / / सा होइ सुद्धकिरिआ तल्लक्खणजोगओ चेव // 1587 / / पडिवज्जइ अ इमं जो पायं किअकिच्चिमो उ इह जम्मे' सुहमरणमित्तकिच्चो तस्सेसा जायइ जहुत्ता // 1588 // मरणपडिआरभूआ एसा एवं च ण मरणनिमित्ता। जह गंडछेअकिरिआ णो आयविराहणारूवा // 1589 // अब्भत्था सुहजोगा असवत्ता पायसो जहासमयं / एसो इमस्स उचिओ अमरणधम्मेहिं निद्दिट्ठो. // 1590 // ता आराहेमु इमं चरमं चरमगुणसाहगं सम्मं / सुहभावविवड्डी खलु एवमिह पवत्तमाणस्स // 1591 // उचिए काले एसा समयम्मि वि वण्णिआ जिणिंदेहिं। तम्हा तओ ण दुट्ठा विहिआणुट्ठाणओ चेव // 1592 // भावमवि संलिहेई जिणप्पणीएण झाणजोएणं। भूअत्थभावणाहिं परिवड्डइ बोहिमूलाई // 1593 // भावेइ भाविअष्पा विसेसओ नवरि तम्मि कालम्मि / पयईए निग्गुणत्तं संसारमहासमुद्दस्स // 1594 // जम्मजरामरणजलो अणाइमं वसणसावयाइण्णो।। जीवाण दुक्खहेऊ कटुं रोद्दो भवसमुद्दो // 1595 // 133
