________________ . . अब्भुज्जयमरणं पुण अमरणधम्मेहिं वण्णिअतिविहं / पायवइंगिणिमरणं भत्तपरिण्णा य धीरेहिं . . // 1572 // . संलेहणापुरस्सरमेअं पाएण वा तयं पुव्विं / वोच्छं तओ कमेणं समासओ उज्जयं मरणं // 1573 // चत्तारि विचित्ताइं विगईणिज्जूहिआइं चत्तारि / संवच्छरे उ दोण्णि उ एगंतरिअंच आयाम // 1574 // णाइविगिट्ठो अ तवो छम्मासे परिमिअं च आयामं / अण्णे वि अ छम्मासे होइ विगिटुं तवोकम्म // 1575 // वासं कोडीसहिअं आयामं तह य आणुपुव्वीए। संघयणादणुरूवं एत्तो अद्धाइनिअमेण // 1576 // देहम्मि असंलिहिए सहसा धाऊहिं खिज्जमाणेहिं / जायइ अट्टज्झाणं सरौरिणो चरमकालम्मि' // 1577 // विहिणा उ थेवथेवं खविज्जमाणेहिं संभवइ णेअं। भवविडविबीअभूअं इत्थ य जुत्तो इमा णेआ . // 1578 // सइ सुहभावस्स तहा थेवविवक्खत्तणेण नो बाहा।। जायइ बलेण महया थेवस्सारंभभावाओ // 1579 // उवक्कमणं एवं सप्पडिआरं महाबलं णेअं। उचिआणासंपायण सइ सुहभावं विसेसेणं // 1580 // थेवमुवक्कमणिज्जं बझं अभिंतरं च एअस्स। जाइ इअ गोअरत्तं तहा तहा समयभेएणं // 1581 // जुगवं तु खविज्जतं उदग्गभावेण पायसो जीवं / चावइ सुहजोगाओ बहुगुरुसेण्णं व सुहडं ति // 1582 // आहऽप्पवहणिमित्तं एसा कह जुज्जई जइजणस्स / समभाववित्तिणो तह समयत्थविरोहओ चेव? // 1583 / / 132
