________________ अणिआओ वसहीओ भमरकुलाणं च गोउलाणं च / समणाणं सउणाणं सारइआणं च मेहाणं // 1464 // तीए अ उवक्खडिअं मुक्का वीही अ तेण धीरेण। अद्दीणमपरितंतो बिइअंच पहिडिओ वीहि // 1465 / / पढमदिवसम्मि कम्मं तिण्णि अ दिवसाणि पूइअं होइ / पूईसु तिसु ण कप्पइ कप्पइ तइए कए कप्पे // 1466 // उग्गाहिमए अज्जं न वि आए कल्ल तस्स दाहामो। दोण्णि दिवसाणि कम्मं तइआई पूइअं होइ // 1467 // तिहिं कप्पेहि न कप्पइ कप्पइ तं छट्ठसत्तमदिणम्मि। अकरणदिअहो पढमो सेसा जं एक दोण्णि दिणा // 1468 // अह सत्तमम्मि दिअहे पढमं वीहिं पुणो वि हिंडंतं। दळूण सा य सड्डी तं मुणिवसभं भणिज्जाहि // 1469 // किं णागयऽत्थ तइआ? असव्वओ मे कओ तुह निमित्तं / इति पुट्ठो सो भयवं बिइआए से इमं भणइ. // 1470 // अणिआओ वसहीओ इच्चाइ जमेव वण्णिअं पुव्विं / आणाए कम्माई परिहरमाणो विसुद्धमणो // 1471 // चोएई पढमदिणे जइ कोई करिज्ज तस्स कम्माई / तत्थ ठिअं णाऊणं अजंपिउं चेव तत्थ कहं // 1472 // चोअग ! एवं पि इहं जइ उ करिज्जाहि कोई कम्माई / ण हि सो तं ण विआणइ सुआइसयजोगओ भयवं // 1473 // एसो उण से कप्पो जं सत्तमगम्मि चेव दिवसम्मि।। एगत्थ अडइ एवं आरंभविवज्जणणिमित्तं // 1474 // इअ अणिअयवित्तिं तं दट्टुं सद्धाण वी तदारंभे / अणिअयमो ण पवित्ती होइ तहा वारणाओ अ // 1475 / / 123
