________________ जिणपूआएँ विहाणं सुईभूओ तीइ चेव उवउत्तो। अण्णंगमच्छिवंतो करेइ जं पवरवत्थूहिं . . // 1140 / सुहगंधधूवपाणिअसव्वोसहिमाइएहिं ता णवरं। कुंकुमगाइविलेवणमइसुरहिं मणहरं मल्लं // 1141 // विविहणिवेअणमारत्तिगाइ धूव थय वंदणं विहिणा / जहसत्ति गीअवाइअणच्चणदाणाइअं चेव ' // 1142 // विहिआणुट्ठाणमिणं ति एवमेअं सया करिताणं / होइ चरणस्स हेऊ णो इहलोगादविक्खाएं // 1143 // एवं चिअभावथए आणाआराहणाय राओ वि। . .. जं पुण इअविवरीअं तं दव्वथओ वि णो होइ // 1144 // भावे अइप्पसंगो आणाविवरीअमेव जं किंचि। इह चित्ताणुट्ठाणं तं दव्वथओ भवे सव्वं // 1145 // जं वीअरागगामी अह तं णणु सिट्ठणाइ वि स एव। सिअ उचिअमेव जं तं आणाआराहणा एवं // 1146 // जं पुण एअविउत्तं एगंतेणेव भावसुण्णं ति। . तं विसअम्मि विण तओ भावथयाहेउओ निअमा (उचिओ)॥११४७॥ भोगाइफलविसेसो उ अस्थि एत्तो वि विसयभेएणं / तुच्छो अ तओ जम्हा हवइ पगारंतरेणावि // 1148 // उचियाणुट्ठाणाओ विचित्तजइजोगतुल्लमो एस / जं ता कह दव्वथओ? तद्दारेणऽप्पभावाओ // 1149 // जिणभवणाइविहाणारेणं एस होइ सुहजोगो / उचियाणुट्ठाणं चिअ तुच्छो जइजोगओ णवरं // 1150 // सव्वत्थ णिरभिसंगत्तणेण जइजोगमो महं होइ। एसो उ अभिस्संगा कत्थ वि तुच्छे वि तुच्छो उ // 1151 // GS
