________________ अह तु अमुत्तो ण तओ सुहदुक्खनिबंधणं जहाऽऽगासं / जीवेणं वभिचारो ण हि सो एगंततोऽमुत्तो // 552 // जमणादिकम्मसंतइपरिणामावन्नरूव एवायं / बीयंकुरु(र)णाएणं तं चेव य तस्स हेतु त्ति // 553 // मुत्तेणं वभिचारो ण सो वि जं चेतणासरूवो त्ति / ण य सो दुक्खनिमित्तं निरुवमसुहरूवतो तस्स // 554 // तस्स वि य तहाभावे जीवत्तं चेव पावती वत्तं / ता कह णु सो सहावो ? सदासुहित्तप्पसंगो य // 555 // अह तु अभावो सो वि हु एगसहावो व होज्ज चित्तो वा ? / तुच्छेगसहावत्ते कहं तओ कज्जसिद्धि त्ति ? // 556 // णहि खरविसाणहेतू अभावतो जायती तयं तत्तो। तुच्छेगसहावत्ता भेगजडाभारमादी वा // 557 // मिइपिंडो चेव तओ जायइ तत्तो घडो य तो जुत्तं / तुच्छेगसहावत्ते कहं तओ कज्जसिद्धि त्ति ? // 558 // ण हि सो तुच्छसहावो एगंतेणं सरूवभावातो / तद्धेतुभावरूवं पडुच्च तुच्छो मुणेयव्वो // 559 // जो च्चिय सरूवभावो ण तउ च्चिय इयररूवभावो त्ति / भावाभावविरोहा भिन्नसहावम्मि चित्तत्तं // 560 // सिय इतररूवभावो तु कप्पितो अंजसा ततो नत्थि / कह मितिपिंडाउ घडो तब्भावे ण खरसिंगं च ? // 561 // अह चितो चेव ततो नाभावो चित्तया जतो लोए / भावस्स हंदि दिट्ठा / घडपडकडसगडभेदेण // 562 // भावस्स य हेतुत्ते नामविवज्जासमेत्तमेवेदं / हंदि सहावो हेतू जम्हा कम्मं पि भावो तु // 563 // .47
