________________ एवं पि किंचि नियमा णियत्तती तस्स ण पुण अन्नं ति / एतेसि कहमभेदो उभयनिवित्तीए वाऽणुगमो ? // 360 // तस्स नियत्तति जम्हा अतो न भेदो त्ति सव्वहा मूढ ! / सति तम्मि को णुजोगो ? तस्स त्ति अइप्पसंगो य // 361 // जइ तस्स कह नियत्तति ? कहंचि जं तस्स तो ण दोसो यं / मोत्तूणमभिनिवेसं संवेदणमो न चिंतेसि ? // 362 // ण य देहादेगंतेण एस अन्नो उवग्गहे तस्स / सुहजोगा मुत्तस्स व न सिया एसो उ अन्नत्ते // 363 // ण यसव्वगतो जीवो तणुमेत्ते लिंगदरिसणाओ तु / सव्वगते संसरणं कह ? तेण सरीरमाणो सो // 364 // आसज्ज कुंथुदेहं तत्तियमेत्तो गयम्मि गयमेत्तो / ण य संजुज्जति जीवो संकोयविकोयदोसेहिं // 365 // जह दीवो महति घरे पलीवितो तं घरं पगासेति / अप्पप्पतरे तं तं एवं जीवो सदेहाइं // 366 // णणु लोगंते णाणं जायइ इह तं च जेणमायगुणो / ण य अद्दव्वा य गुणा तेण ततो सव्ववावित्ती. // 367 // नियदेससंठियस्स वि रविणो किरणा जहेव अन्नं पि / उज्जोययंति देसं तहेव एवं पि नायव्वं // 368 // ते तुल्लं सव्वदिसं नाणं पुण होति एगदेसम्मि। कम्मघणपडलाच्छादियरूवस्सेवं न सुद्धस्स // 369 // किरणा गुणा ण दव्वं तेसि पगासो गुणो ण यादव्वो। . जं नाणं आयगुणो कहमद्दव्वो स अन्नत्थ ? // 370 / / गंतुं ण परिच्छिंदइ नाणं णेयं तयम्मि देसम्मि / आयत्थं चिय नवरं अचिंतसत्तीउ विनेयं // 371 // 39
