________________ नवकारपुव्वयं चिय कीरइ जं ता तयंगमेसो त्ति / अन्नं च इत्थ अत्थे पयडं चिय कित्तियं एयं // 962 // नंदिमणुओगदारं विहिवदुवग्घाइयं च नाउण / काऊण पंचमंगलमारंभो होइ सुत्तस्स // 963 // इय सामाइअनिजुत्तिमज्झमज्झासिओ इमो ताव / पडिकमणे य पविट्ठो इरियावृहियाए पाढो वि // 964 // . अरहंतचेइयाण य वंदणदेडो सुयत्थओ य तहा / काउस्सग्गज्झयणे पंचमए अणुपविट्ठो त्ति’ // 965 // . बीयज्झयणसरूवे चउवीसत्थओ वि जं विणिद्दिट्टो / .... आवस्सयाउ न पिहो जुज्जइ ता तेसिमुवहाणं // 966 // आवस्सयउवहाणे ताण उवहाणं कयं समवसेयं / कयउवहाणे य पिहो तक्करणे होइ अणवत्था // 967 // भन्नइ उत्तरमिहई नवकारो आइमंगलत्तेण / वुच्चइ जया तय चिय सामाईए अणुप्पवेसो से . // 968 // जइया य समण-भोयण निज्जरहेउं पढिज्जए एसो / तइया सतत एव हि गिज्झइ अन्नो सुयक्खंधो // 969 // इह-परलोयत्थीणं सामाइयविरहिओ अ वावारो। दीसइ नवकारगओ तदत्थसत्थाणि य बहूणि // 970 // नवकारपडल नवपंजिया सिद्धचक्कमाइणि / सामाइयंगभावो इमस्स णेगंतिओ तम्हा // 971 // पढमुच्चारणमेत्ते वि णुप्पवेसो हवेज्ज सामइए / एयस्स सव्वहा जइ ता नंदीणुयोगदाराणं // 972 // तयणुप्पवेसओ च्चिय तवचरणं नेय जुज्जइ विभिन्नं / दीसइ य कीरमाणे जोगविहीए य भिन्नत्तं 286
