________________ कयमेत्थ पसंगणं झाणं पुण णिच्चमेव एयस्स / सुत्तत्थाणुसरणमो रागाइविणासणं परमं // 892 // एया पवज्जियव्वा एयासि जोग्गयं उवगएणं / सेसेण वि कायव्वा केइ पइण्णाविसेस त्ति // 893 // जे जम्मि जम्मि कालम्मि बहुमया पवयणुण्णइकरा य / उभओ जोगविसुद्धा आयावणठाणमाईया // 894 // एएसिं सइ विरिए जमकरणं मयप्पमायओ सो उ / होअइयारो सो पुण आलोएयव्वओ गुरुणो // 895 // इय सव्वमेवमवितहमाणाए भगवओ पकुव्वन्ता / .. सयसामत्थणुरूवं अइरा काहिति भवविरहं // 896 // // 19 // तपविधिपञ्चाशकम् // णमिऊण वद्धमाणं तवो वि (व) हाणं समासओ वोच्छं / सुत्तभणिएण विहिणा सपरेसिमणुग्गहट्ठाए // 897 / / अणसणमूणोयरिया वित्तीसंखेवणं रसच्चाओ। कायकिलेसो संलीणया य बज्झो तवो होइ // 898 // पायच्छित्तं विणओ वेयावच्चं तहेव सज्झाओ। झाणं उस्सग्गो वि य अभिंतरओ तवो होइ // 899 // एसो बारसभेओ सुत्तनिबद्धो तवो मुणेयव्वो। एयविसेसो उ इमो पइण्णगो णेगभेउ त्ति // 900 / / तित्थयरणिग्गमाई सव्वगुणपसाहणं तवो होइ / . भव्वाण हिओ णियमा विसेसओ पढमठाणीणं // 901 // तित्थयरणिग्गमो खलु ते जेण तवेण णिग्गयां सव्वे / ओसप्पिणीए सो पुण इमिए एसो विणिद्दिट्ठो . // 902 // 280
