________________ णो अपरिग्गहियाए इत्थीए जेण होइ परिभोगो / ता तव्विरइए च्चिय अबंभविरइ त्ति पण्णाणं // 821 // दुण्ह वि दुविहो वि ठिओ एसो आजम्ममेव विण्णेओ। इय वयभेया दुविहो एगविहो चेव तत्तेणं // 822 // उवठावणाएँ जेट्ठी विण्णेओ पुरिमपच्छिमजिणाणं / पवज्जाए उ तहा मज्झिमगाणं णिरतियारो // 823 // पढिए य कहिएँ अहिगएँ परिहर उवठावणाएँ कप्पो त्ति / . छक्कं तीहि विसुद्धं सम्मं णवएण भेएण // 824 // पितिपुत्तमाइयाणं समगं पत्ताण जेट्ठ पितिपभिइ / थेवंतरे विलंबो पण्णवणाए उवट्ठवणा // 825 // सपडिक्कमणो धम्मो पुरिमस्स य पच्छिमस्स य जिणस्स / मज्झिमगाण जिणाणं कारणजाए पडिक्कमणं // 826 // गमणागमण विहारे सायं पाओ य पुरिमचरिमाणं / णियमेण पडिक्कमणं अइयारो होउ वा मा वा ... // 827 / / मज्झिमगाण उ दोसे कहंचि जायम्मि तक्खणा चेव / दोसपडियारणाए (या) गुणावहं तह पडिक्कमणं // 828 // पुरिमेयरतित्थयराण मासकप्पो ठिओ विणिद्दिद्यो / मज्झिमगाण जिणाणं अट्ठियओ एस विण्णेओ // 829 // पडिबंधो लहुयत्तं ण जणुवयारो ण देसविण्णाणं / णाणाराहणमेए दोसा अविहारपक्खम्मि // 830 // . कालादिदोसओ पुण ण दव्वओ एस कीरई णियमा / . भावेण उ कायव्वो संथारगवच्चयाईहिं // 831 // . पज्जोसवणाकप्पोऽपेवं पुरिमेयराइभेएणं / .. . उक्कोसेयरभेओ सो णवरं होइ विण्णेओ // 832 // 204
