________________ सोलस उग्गमदोसा सोलस उप्पायणाएँ दोसा उ। दस एसणाइ दोसा बायालीसं इय हवंति // 597 // तत्थुग्गमो पसूई पभवो एमादि होंति एगट्ठा / / सो पिंडस्साहिगओ इह दोसा तस्सिमे होति // 598 // आहाकम्मुद्देसिय पूतीकम्मे य मीसजाए य / ठवणा पाहुडियाए (या) पाओयर-कीअ-पामिच्चे // 599 // परियट्टिए अभिहडे उब्भिण्णे मालोहडे इइ य / अच्छेज्जे अणिसटे अज्झोयरए य सोलसमे // 600 // सच्चित्तं जमचित्तं साहूणट्ठाएँ कीरए जं च / अच्चित्तमेव पच्चति आहाकम्मं तयं भणियं // 601 // उद्देसिय साहुमाई ओमच्चए भिक्खवियरणं जं च / उव्वरीयं मीसेउं तविउं उद्देसियं तं तु // 602 / / कम्मावयवसमेयं संभाविज्जति जयं तु तं पूयं / पढमं चिय गिहिसंजयमीसोवक्खडाइ मीसं तु // 603 // साहोहासियखीराइठावणं ठवण साहुणट्ठाए / सुहुमेयरमुस्सक्कणमवसक्कणमो य पाहुडिया // 604 // णीयदुवारत्ताए (रन्धयारे) गवक्खकरणाइ पाउकरणं तु / दव्वाइएहिं किणणं साहूणट्ठाएँ कीयं तु // 605 // पामिच्चं जं साहूणट्ठा उच्छिंदिउं दियावेइ। पल्लट्टिउं च गोरवमाई परियट्टियं भणियं // 606 // सग्गामपरग्गामा जमाणिउं आहडं तु तं होइ / छगणाइणोवलितं उब्भिंदिय जं तमुभिण्णं // 607 // मालोहडं तु भणियं जं मालादीहि देति घेत्तूणं / / अच्छेज्जं चाछिदिय जं सामी भिच्चमादीणं // 608 // . . . . 255
