________________ // 10 // उपासकप्रतिमाविधिपञ्चाशकम् // नमिऊण महावीरं भव्वहियट्ठाएँ लेसओ कि पि / वोच्छं समणोवासगपडिमाणं सुत्तमग्गेणं // 445 // समणोवासगपडिमा एक्कारस जिणवरेहिं पण्णत्ता / दसणपडिमादीया सुयकेवलिणा जतो भणियं // 446 // . दंसणवयसामाइयपोसहंपडिमाअबंभसच्चित्ते / आरंभपेसउद्दिट्ठवज्जए समणभूए य ' // 447 // दंसणपडिमा णेया सम्मत्तजुयस्स जा इहं बोंदी / कुग्गहकलंकरहिया मिच्छत्तखओवसमभावा // 448 // मिच्छत्तं कुग्गहकारणं ति खओवसममुवगए तम्मि / ण तओ कारणविग़लत्तणेण सदि विसंविगारो व्व // 449 // होइ अणाभोगजुओ ण विवज्जयवं तु एस धम्मम्मि / अत्थिक्कादिगुणजुतो सुहाणुबंधी णिरतियारो .. // 450 // बोंदी य एत्थ पडिमा विसिट्ठगुणजीवलोयओ भणिया / ता एरिसगुणजोगा सुहो उ सो खावणत्थ त्ति // 451 // .. एवं वयमाईसु वि दट्ठव्वमिणं ति णवरमेत्थ वया / घेप्पंतणुव्वया खलु थूलगपाणवहविरयादी // 452 // सम्पत्तोवरि ते सेसकम्मुणो अवगए पुहुत्तम्मि / पलियाण होति णियमा सुहायपरिणामरूवा उ // 453 // . बंधादि असक्किरिया संतेसु इमेसु पहवइ ण पायं / . अणुकंपधम्मसवणादिया उ पहवति विसेसेण // 454 // सावज्जजोगपरिवज्जणादिरूवं तु होइ विण्णेयं / / सामाइयमित्तरियं गिहिणो परमं गुणट्ठाणं // 455 // 242
