________________ तग्गुणबहुमाणाओ तह सुहभावेण बज्झती णियमा / कम्मं सुहाणुबंधं तस्सुदया सव्वसिद्धि त्ति // 350 // इय सुद्धबुद्धिजोगा काले संपूइऊण कत्तारं / विभवोचियमप्पेज्जा मोल्लं अणहस्स सुहभावो // 351 // तारिसयस्साभावे तस्सेव हितत्थमुज्जुओ णवरं / . णियमेज्ज बिंबमोल्लं जं उचियं कालमासज्ज // 352 // देवस्सपरीभोगो अणेगजम्मेसु दारुणविवागो। तम्मि स होइ णिउत्तो पावो जो कारओं इहरा // 353 // जं जायइ परिणामे असुहं सव्वस्स तं न कायव्वं / .. सम्मं णिरूविऊणं गाढगिलाणस्स वाऽपत्थं // 354 // आणागारी आराहणेण तीए ण दोसवं होति / . वत्थुविवज्जासम्मि वि छउमत्थो सुद्धपरिणामो // 355 // आणापवित्तिओ चिय सुद्धो एसो ण अण्णहा णियमा / तित्थगरे बहुमाणा तदभावाओ य णायव्वो .. // 356 // समतिपवित्ती सव्वा आणाबज्झ त्ति भवफला चेव / / तित्थगरुद्देसेण वि ण तत्तओ सा तदुद्देसा // 357 // मूढा अणादिमोहा तहा तहा एत्थ संपयटुंता / तं चेव य मण्णंता अवमण्णंता ण याणंति // 358 // मोक्खत्थिणा तओ इह आणाए चेव सव्वजत्तेणं / सव्वत्थ वि जइयव्वं संमं ति कयं पसंगेण // 359 // णिप्फण्णस्स य सम्मं तस्स पइट्ठावणे विही एसो। . सुहजोएण पवेसो आयतणे ठाणठवणा य // 360 // तेणेव खेत्तसुद्धी हत्थसयादिविसया णिओगेण / कायव्वो सक्कारो य गंधपुप्फादिएहि तहिं // 361 // 234
