________________ हत्थंगुलिदुगघट्टण गयगद्दभसगडबालसिलधरणं / एमाई आहरणा लोयम्मि वि कालदोसेणं // 835 // रण्णो दियाइगहणं पुत्तपिउव्वेग कन्निविक्किणणं / इड्डीपरजणचाओ णिद्दय दाणं ण इयरेसिं // 836 // जुयघर कलहकुलेयरमेर अणुसुद्ध धम्मपुढविठिई। वालुगवक्कारंभो एमाई आइसद्देणं // 837 // कलिअवयारे किल णिज्जिएसु चउसुं पि पंडवेसु तहा / भाइवहाइकहाए जामिगजोगम्मि कलिणा उ // 838 // एवं पाएण जणा कालणुभावा इहं पि सव्वे वि / णो सुंदर त्ति तम्हा आणासुद्धेसु पडिबंधो // 839 // इयरेसु वि य पओसो णो कायव्वो भवट्ठिई एसा / णवरं विवज्जणिज्जा विहिणा सइ मग्गणिरएण // 840 // अग्गीयादाइण्णे खेत्ते अण्णत्थ ठिइअभावम्मि / भावाणुवघायणवत्तणाएँ तेसिं तु वसियव्वं . // 841 // इहरा सपरुवघाओ उच्छोभाईहिं अत्तणो लहुया / तेसि पि पावबंधो दुगं पि एवं अणिटुं ति // 842 // ता दव्वओ य तेसिं अरत्तदुद्वेण कज्जमासज्ज / अणुवत्तणत्थमेसिं कायव्वं किं पि ण उ भावा // 843 // एत्थं पुण आहरणं विण्णेयं णायसंगयं एयं / अगहिलगहिलो राया बुद्धीएँ अणट्ठरज्जो त्ति // 844 // पुहविपुरम्मि उ पुण्णो राया बुद्धी य तस्स मंति ति / कालण्णुणाण मासुवरि वुट्ठि दग गह सुवासं तो // 845 // रायणिवेयण पडहग दगसंगह जत्तओ. अहाथामं / .. बुद्धि अपाणं खीणे पाणम्मी गहकमा पायं // 846 // 187
