________________ संथारपरावत्तं अभिग्गहं चेव चित्तरूवं तु / . एत्तो उ कुसलबुद्धी विहारपडिमाइसु करेंति // 223 // .. अकए बीजक्खेवे जहा सुवासे वि न भवती सस्सं / तह धम्मबीयविरहे ण सुस्समाए वि तस्सस्सं // 224 // आणापरतंतेहिं ता बीजाधाणमेत्थ कायव्वं / धम्मम्मि जहासत्ती परमसुहं.इच्छमाणेहिं // 225 / / सुव्वइ य तेणणायं एत्थं बोहीएँ पत्तिविग्धकरं / तं चेव उ कुसलेहिं भावेयव्वं पयत्तेणं / // 226 // . कोसंबि सेट्ठिसुय गाढपीती पाएण तुलफलसिद्धी / वीरोसरणे सवणं बोहिअभावेसु य विसेसो // 227 // हरिसो मज्झत्थत्तं परोप्परं चित्तजाणणा भेओ / पुच्छा अबोहि नेहे बहुजोगोऽबीजगो कह णु ? // 228 // दंगियपुत्ता गोहरण पच्छखेडणगसेलगुहसाहू / धम्मपसंसपओसा बीयाबीया दुवेण्हं पि // 229 // एवं कम्मोवसमा सद्धम्मगयं उवाहिपरिसुद्धं / / थेवं पणिहाणादि वि बीजं तस्सेव अणहं ति // 230 // एयं च एत्थ णेयं जहाकहिंचि जायम्मि एयम्मि / इहलोगादणवेक्खं लोगुत्तरभावरुइसारं // 231 // पायमणक्खेयमिणं अणुहवगम्मं तु सुद्धभावाणं / भवखयकरं ति गरुयं बुहेहिं सयमेव विनेयं // 232 // जं दवलिंगकिरियाऽणंता तीया भवम्मि सगला वि। . सव्वेसिं पाएणं ण य तत्थ वि जायमेयं ति // 233 // ता एयम्मि पयत्तो ओहेणं वीयरायवयणम्मि / . . बहुमाणो कायव्वो धीरेहिं कयं पसंगेण // 234 // 136
