________________ मग्गणुसारी सद्धो पन्नवणिज्जो कियावरो चेव / गुणरागी सक्कारंभसंगओ जो तमाहु मुणि . // 199 // एयं च अस्थि लक्खणमिमस्स निस्सेसमेव धनस्स / तह गुरुआणासंपाडणं च गमगं इहं लिंगं // 200 // सत्तीए जतितव्वं उचियपवित्तीऍ अन्नहा दोसो / . महगिरिअज्जसुहत्थी दिटुंतो कालमासज्ज // 201 // पाडलिपुत्ति महागिरि अज्जसुहत्थी य सेटिवसुभूती / वइदिस उज्जेणीए जियपडिमा एलगच्छं च // 202 // दो थूलभद्दसीसा जहोइया आइमो य इयर त्ति / .... ठविउं गच्छेऽतीओ कप्पो त्ति तमासिओ किरियं // 203 // एसणसुद्धातिजुओ वसुभूतिगिहम्मि कारणगएण। दिट्ठो गोयरवत्ती इयरेणब्भुट्ठिओ विहिणा // 204 // सेट्ठिस्स विम्हओ खलु तग्गुणकहणाएँ तह य बहुमाणो / ठितिसवणुज्झियधम्मं पायमणाभोगसद्धाए // 205 // उवओगपरिन्नाणं कहणाऽवक्कमण वइदिसं तत्तो / संभासिऊण गमणं कालट्ठा एलगच्छं ति // 206 // मिच्छत्त सड्डिहासो पच्चक्खाणम्मि तह सयग्गहणं / वारण पवयणदेवयसज्झिलगोगाहिमाभोगे // 20 // तलघाय अच्छिपाडण सड्डी उस्सग्ग देव उड्डाहो / एलच्छि बोहि नगरं तओ यतं एलगच्छंति // 208 // तत्थ य दसन्नकूडो गयग्गपयगो दसन्नरायम्मि। वीरे इड्डी बोहण एरावयपयसुजोगेणं // 209 // दंता पुक्खरिणीओ पउमा पत्ता य अट्ठ पत्तेयं / एक्कक्करम्मपेच्छण नरेंदसंवेग पव्वज्जा // 210 // [, 134
