________________ सति तम्मि ससंवेदणरूवे किन्नोववज्जती एत्थ ? / . धम्मी वि भूयसमुदयमित्तो जं तो कहं अस्थि ? // 48 // जति ताव मतं धम्मो चेतन्नं कह ण अत्थि तो आता ? / / अन्नेणऽणुरूवेणं इमस्स जं धम्मिणा कज्ज // 49 // बोहसहावममुत्तं विसयपरिच्छेदगं च चेतन्नं / विवरीयसहावाणि य भूयाणि जगप्पसिद्धाणि // 50 // ता धम्मधम्मिभावो कहमेतेसिं ? तहब्भुवगमे य / अणुरूवत्ताभावे काठिण्णजलाण किन्न भवे ? // 51 / / तम्हा ण भूयधम्मो चेतन्नं णो य तस्समुदयस्स / पत्तेयमभावातो आया परलोयगामि व्व // 52 // ता वंजिज्जति तेहिं कह तेणं वा तयं ति ? चितमिदं / धम्मंतरवित्तीए तु सिद्धं जीवस्स अत्थित्तं // 53 // तद्धम्मत्ते वि सयाऽविसेसभावेण कह ण अभिवत्ती ? / ण हि काठिण्णादीया केसिंचि कयाइ वजंति // 54 // ण य तस्स तहा गमणं दिढेसुः वि संसओ य केसिंचि / णीलादितुल्लता वि हु पत्तेयमदिट्ठितोऽजुत्ता // 55 // तब्भावम्मि वि कह भिन्नवत्थुधम्मत्तणेण एगत्तं ? / . चेयन्नस्सियरेसिं एगत्ते कह व णाणत्तं ? // 56 // भिन्नाभिप्पायाण य देहम्मि तहा कहं अवत्थाणं ? / सयलिदिओवलंभो जओ सती तेसु सो य कहं ? // 57 // न हि भिन्ने चेतन्ने आसन्नाण वि मिहो विभिन्नाणं / भावेसु णाणमेगं लोगम्मि सती य तप्पभवा // 58 // सिय संधाणं व तयं समुदयधम्मो ण तं पि पत्तेयं / ' एगंतेणासंतं तदन्नभावप्पसंगातो // 59 //
