________________ मंडलसिद्धी रन्नो समुद्ददेवस्स केणती सिटुं। सुमती णाम दियवरो पन्नोऽतिसएण अंधो य // 151 // तस्साणयणं चारुयपक्खम्मि चडावणं परिक्खत्थं / पक्कापंथे बोरी नरिंदचलणम्मि पडिसेहो // 152 // न सुहा एसा विन्नासियम्मि तह चेव कह तए णायं / पंथन्नागहणाओ किमेत्थ जाणंति निवतोसो // 153 // . धूलिक्किरियामाणं गुलपलघयकरिससंनिरूवणया / देवपसादो बहुमन्नण त्ति थिरपण्णणाणथ // 154 // टाराधिवास पेसण सव्वुत्तम तप्परिक्ख खररोमो। .... णो उत्तिमो त्ति णाणे पसायमाणादिवुड्डि त्ति // 155 // कन्नारयणे चे वयणादारब्भ सोणिछिवणं ति / / धीरत्तणओ वेसासुयणाणपसायवुड्डि त्ति' // 156 // कुण सेइयं पलं तह घयस्स चत्तारि चेव य गुलस्स / वणियसुयपरिन्नाणाण ताव कोवो जणणिपुच्छा . // 157 // वेसमणे अहिलासो उउण्हायाए उ सेट्ठिपासणया / संभोगो च्चिय अन्ने ण ताव एत्तो उ संसिद्धो // 158 // पनवणमप्पगासण ण एत्थ दोसो त्ति कम्मभावाओ। . कुसलो त्ति तेण ठवितो मंती सव्वेसिमुवरिं तु // 159 // दूरनिहित्तं पि निहिं तणवल्लिसमोत्थयाए भूमीए / णयणेहि अपेच्छंता कुसला बुद्धीएँ पेच्छंति // 160 // कयमेत्थ पसंगेणं एमादि सुणंतगाण पाएणं / भव्वाण णिउणबुद्धी जायति सव्वत्थ फलसारा // 161 // भत्तीएँ बुद्धिमंताण तहय बहुमाणओ य एएसिं / अपओस पसंसाओ एयाण वि कारणं जाण // 162 / / 130
