________________ चाणक्केवणगमणं मोरियचंद तह थेरि रोहणया / उवयारत्थग्गहणं धणसंवरणं च विनेयं // 139 // एमेव थूलभद्दे उक्कडरागो सुकोस पच्छाओ। वक्खेवतो ण भोगा चरणं पि य उभयलोगहियं // 140 // णासेक्कसुंदरी णंद भाइरिसि भाण भक्ख निग्गमणं / मंदर वाणरि विज्जा अच्छर धम्मम्मि पडिवत्ती // 141 // वइरम्मि संघमाणण वासे उवओग सेसपुरियाए / कुसुमपुरम्मि विउव्वण रक्खियसामिम्मि पेसणयं // 142 // परिणामिया य महिला णिद्धसधिज्जाइ लोगजाणम्मि / उज्जेणि देवदत्ता जोगुवयारेऽत्थपडिवत्ती // 143 // चलणाहणे त्ति तरुणेतरेसु पुच्छा हु तरुण तच्छेदो / इयरे ऊसरिऊणं आलोच्चिय बिंति पूजंति // 144 // आमंडे त्ति परिच्छा काले कित्तिमगआमलेणं ति / / परिणयजोगालोयण लक्खणविरहेण तण्णाणं // 145 // मणि पन्नग वच्छाओ कूवे जलवन डिंभ थेरकहा / उत्तारणपयईए णाणं गहणं च णीतीए // 146 // सप्प त्ति चंडकोसिग वीरालोग विसदंस ओसरणं / दाढाविस ओभोगे बोही आराहणा सम्म // 147 // खग्गे सावगपुत्ते पमायमय खग्ग साहुपासणया / उग्गहभेयालोयण संबोही कालकरणं च // 148 // थूभिदे एक्कं चिय कूलापडिणीयखुड्डु गुरुसावे / तावस मागहि मोदग गिलाण रागम्मि वेसाली // 149 // आईसद्दा सुमती अंधलनिवमंतिमग्गणा सवणं / / आहवणं बोरस्सेकन्ना माणादि वणियसुते // 150 // 129
