Page Text
________________ 174 सिरिउसहनाहचरिए इव लंबमाणाओ निविडाओ संकलाओ पइसंकलाओ य बंधेइ, सहस्ससंखाहिं ताहिं संखलाहिं स चकाट्टी अहिं सहस्संस विव वल्लीहिं महातरू विव रेहेइ / अह सो सुहडे बएइ-सबलवाहणा तुम्हे महासगडं वसहा विव निभयं मं समाकरिसेह, सव्वे सबबलेण में कढिऊण इह गइडाए पाडेह, इमं मज्झ बाहुबलपरिक्खणटुं न तुम्हाणं सामि-अवण्णच्छलं / अम्हेहिं इमो दुसुमिणो दिट्ठो तं पडिहणिज्जाउ, सो हि दुसुमिणो चरियस्थकरणेण सयं चिय निप्फलो होज्जा ए भुज्जो मुज्जो चक्कपट्टिणा आइटा स-सेणिगा ते कहंचि तस्स वयणं अंगीकुणेइरे, 'जओ सामिणो आणा बली यसी' / तओ ते सव्वे सेण्णसुहडा मन्दरगिरिणो मंथणदवरिगाभूयं सप्पं पिव चकवटिभुयस्स संखलाबुंदं समाकरिसेइरे / तइया पलंबिरासु चक्कवट्टियबाहुसंखलासु गाढविलग्गा ते उत्तुंगतरुसाहग्गेमुं साहामिगा विव भासेइरे, चक्कवट्टी सयं अप्पाणं करिसमाणे निय-सेणिगे गिरि भिंदमाणे गए इव कोउंग पेक्खणडं उविक्खेइ / अह चक्की तेण च्चिय बाहुणा हिययम्मि अंगरागं कुणंतो विव तं बाहुं हियए ठवेइ / तया ते मुहडा मालाबद्धघडीनाएण सव्वे सह पडन्ति, तया चकाट्टिणो वाहू निरंतरं लंबमाणेहिं तेहिं सेणिगेहिं खज्ज़रेहिं खज्जरतरुसाहा विव छज्जेइ / सामिणो विकमेण हरिसन्ता ते सेणिगा पुनकय-दुस्संक पिव ताओ बाहुसंकलाओ खणेण उज्झेइरे, तओ चक्कवट्टी कुंजरारूढो भुज्जो वि समरंगणं आगच्छेइ, तइया उभण्हं सेण्णाणं मज्झम्मि विउलं भूमियलं गंगा-जउणाणं मज्झे 'अंतावेइदेसो इव विरायइ, तओ जगसंहार-रक्खणाओ पमुइया देवा नियो. गिणो इव सणियं तत्थ पुढवीए रयाई हरिति / विवेगवन्ता ते समोसरणभूमि पित्र गंधंबुवुट्ठीए समन्तओ तं भूमि अहिसिंचेइरे, तत्थ रणाऽवणीए मंतवाइणो मण्डलावणीए विव ते सुरा वियसियाई कुसुमाई खिवंति / / भरह-बाहुबलीणं दिद्विपमुहजुद्धं / अह ते उभे वि रायकुंजरा कुंजराओ ओयरिऊण कुंजरा विव गन्जंता समरभूमि पविसंति, उभे वि महोयंसिणो लीलाए चलंता पए पए कुम्मराय पि पाणसंसए आरोविति / पढम दिहि जुद्धेण जुज्झियव्वं ति पइण्णं काऊण ते अवरे सक्कीसाणा इव अनिमेसनयणा संमुहा चितुइरे, 'उभयत्थ थिअ-भाणु-मयंकसंझासमयगयणसोहाधरा ते अरुणनेत्ता संमुहा अण्णोण्णस्स मुहं पेक्खेइरे, एवं झायन्ता 1 अंशुभिः / 2 दुःस्वप्नः / 3 सार्थककरणेन / 1 मन्थनरज्जुभूतम् / 5 शाखामृगाः-वानराः 6 गङ्गायमुनामध्यभागः / 7 रजांसि / 8 उभयत्र /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |