Page Text
________________ 16 सिरिउसहनाहचरिए अद्धचंदसरिसलोहमइय-वेसर-खुरेहिं भिदंता, पाइक्काणं वज्जपण्हिचरणेहिं चुण्णता, खरेहिं खुरप्पसरिसेहिं महिसवसह-खुरेहि खंडंता, मोग्गरनिहेहिं हथिपाएहि मेइणि चुण्णमाणा, अंधयारसहोयरेहि रएहिं गयण ढकंता, दिणयर-किरणसरिसेहिं च सत्थऽत्थेहि पयासंता, भूइटेण नियभारेण कुम्मपिटं किलिसंता, महावराहस्स समुण्णयं दाढं नामंता, नागरायस्स फणाऽऽडोवं गाढं सिढिलिंता, निहिले वि दिसिगइंदे कुज्जीकुणता, उच्चएहिं सिंहणाएहिं वम्हंडभायणं नादंता, पयंड-कर-फोडणपणाएहिं च फोर्डिता, पसिद्धेहिं झयलंछणेहिं उवलक्खित्ता उवलक्खित्ता महोयंसिणो सुहटा पडिवीरे नामग्गहण-पुव्वयं वयंता, अहिमाण-सत्तसालिणो सुहडा अण्णुण्णं आहविता दुण्डं सेण्णाणं अग्गसइण्णमुहडा अग्गसेण्णसुहडेहिं सह मिलेइरे / जुद्धनिवारणटुं देवाणं आगमणं / ____ जलजंतुणो जलजंतूणं पिव हत्थारोहा हत्थारोहाणं, तरंगा तरंगाणं पिव आसवारा आसवाराणं, वायवो वाऊणं पित्र रहिणो रहीणं, गिरिणो गिरीणं पिव पत्तिणो पत्तीणं कुंतस्स कुंतं असिणो असिं मोग्गरस्स मोग्गरं दंडस्स दंडं च मेलविंता अमरिसेण जाव ढुक्केइरे, ताव गयणम्मि तेलुक्कविणाससंकाए संभंता देवा समा-- गच्छंति / नियबाहूणं पिव भरहबाहुबलीणं को अयं संघरिसु नि 'विमरिसमाणा ते देवा दुहं सेणिगे एवं वयंति-'जाव तुम्हाणं मणंसिणो सामिणो बोहावेमो ताव केणइ न जुज्झियव्वं' एत्थ उसहसामिणो आणा सिया / एवं देवाणं वयणं सोचा तिजगभत्तुणो आणाए चित्त-लिहिया विव उभए वि सव्वे वि ते सेणिगा तहेव चिट्ठति / तहटिया ते सेणिगा 'इमे देवा किं बाहुबलिणो संतिआ ? किं वा भरहस्स 'संतिआ' ? ए चिंतन्ति / संपइ कज्जं न विणस्सेज्ज लोगस्स य भदं होउ त्ति बत्रमाणा ते गिव्वाणा पुव्वं भरहचक्कवहि समुवागच्छति / जयसु जयसु त्ति आसिसं दाऊण पियंचया देवा जुत्ति-जुत्तेण वयणेण मंतिणो इव वयंति-'नरदेव ! देवराएण असुरा इव छक्खंडभरह खित्तम्मि तुमए सन्चो भूवा विजिआ, राइंद ! तुम्ह परक्कमेण तेएण य तेसुं राएK मिगेसु सरहस्स विव पडिमल्लो न कोवि सिया, महिएहिं जलकुंभेहिं मक्खणसद्धा विव तेहिं गुणं भवंतस्स रणसद्धा न हि पुण्णा जाया, तो तुमए अप्पणो बीएण भाउणा सह जुद्धं आरद्धं एयं स-हत्थेण स-हत्थस्सेव ताडणं, 1 पाणिः-पगनी पानी, / 2 शस्त्रास्त्रैः / 3 फणाटोपम् / 4 उपस्थिता भवन्ति / 5 विमृशन्तो-- विचारयन्तः / 6 सत्काः-संबन्धिनः / 7 आशीर्वादम् /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |