Page Text
________________ संगामपारंभे जिणिदपूअणं / पुण्णा उट्टा सिग्यं चलंतु / रहीणं हि सत्थासणि-पायाओ नगा इव रहा भंजिहिन्ति, तओ सज्जिया अण्णे रहा अणुगच्छन्तु / पढमेसु आसेसु संतेसुं जुद्धम्मि विग्यो मा होज्ज ति आसवाराणं पिट्ठओ सयसो अण्णे आसा गच्छंतु / इक्किकं बद्धमउडं नरिंदं बहवो वि इभा अणुजंतु, जं तेसि एगेण इभेण जुद्धं न होई / रणायास-गिम्हउउतवियाणं जंगमपवाओ इव जलवाहिणो महिसा अणुसेणिगं गच्छंतु / चंदस्स कोसोव्य हिमगिरिणो सारं पिव अभिणव-वण-रोहणो-सहीओ वसहेहिं उप्पाडिज्जंतु / एवं रांगामम्मि रायनियोगिपुरिसाणं आएससमुन्भवकोलाहलेहिं रणतुरिय. महारवो अईव वड्ढेइ / तया समंतओ समुत्थियतुमुलेहिं विस्सं सहमइयं पिव, 'पेखंताऽऽउहेहिं च सव्वो लोहमइयं इव होइ / दिट्टपुट्विणो विव पुन्नपुरिसाणं चरित्ताई सुमराविता, वासरिसिव्व उच्चएहि रणनिव्वाहफलं संसंता, नारयरिसिव्व आयरसहिया वीराणां उद्दीवण मुहं मुहं उवत्थियपडिसुहडे पसंसमाणा पव्वदिणध्व रणुत्ताला वेयालिया हरिसेण तत्थ पइहत्थिं पइरहं पइतुरंगं अणाउलं भमंति / संगामपारंभे जिणिंदपूअणं-- ___ अह बाहुबली सिणाइत्ता देवं अच्चिउं देवालयम्मि वच्चेइ, महंता हि कत्थइ कन्जम्मि न विमुज्झेइरे, तत्थ जम्माभिसेगम्मि वासवो विव सो उसहसामिणो पडिम सुगंधि-जलेण भत्तीए हेवेइ, तओ कसायरहिओ सो परमसद्धो सद्धाए नियचित्तं पिव दिव्वगंध-कसाइयवत्थेण तं पडिमं लुहेई / तओ पडिमाए दिव्ववसणमइय'चोलगं रयंतो विव जक्खकद्दमेण विलेवणं कुणेइ, तो राया कप्पतरुपुप्फमालासरिस-सरस-सुगंधजुत्त-विचित्ताहि पुप्फमालाहिं जिणपडिमं समच्चेइ, सोवण्णिय-धूवदहणम्मि धूमेहिं नीलुप्पलमइयपूयं विरयंतो इव दिव्वधूवं डहेइ, तो कय-उत्तरासंगो मयररासित्थिओ आइच्चो पयावं पिव दित्त-दीवगं आरत्तिगं घेत्तूण आरत्तिभं उत्तारिऊण पणमिऊण कयंजली भत्तिबहुमाणो बाहुबली आइणाह एवं थुणेइ-'जं संस्स अन्नाणयं जाणिऊण सव्वण्णु ! अहं तुम थुणेमि तं तु तुमम्मि एसो र्दुव्यारो भत्तिबहुमागो में मुंहरेइ, आइमतित्थेसो ! भवारितसियपाणीणं वजपंजर निभाओ तुम्हकेर पाय-नह-दित्तीओ जयंति, देव ! भवंतचरण-कमलं पेक्खिउं रायहंसव्व 1 प्रेखदु-कम्पमानः / २-स्मारयन्तः / ३-व्यासर्षिवत् / ४-वैतालिकाः / 5 स्नपयति / 6 माटि / 7 स्वस्य / 8 दुर्वारः / 9 मुखरयति /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |