Page Text
________________ भरहस्स बाहुबलिस्स य जुद्धढ निग्गमणं / 161 www * चलमाणेहिं तुरंगेहिं संदणेहिं वेसरेहिं उद्देहिं अण्णं सव्वं महीयलं वाहणरहियं जायं ति मण्णेमि, जलहिं विक्खमाणाणं सव्वं जलमइयं पित्र तस्स पाइक्कबुंदं पासमाणाणं नरमइयं जगं आभाइ / मग्गे मग्गे गच्छंतस्स नरिंदस्स गामे गामे पुरे पुरे य लोगाणं पाया चिरं एरिसा जाएइरे-'अमुणा नरवइणा एगं खेत्तं पिव सव्वं भरह खित्तं साहियं एसो निको मुणी पुव्वाइं पिव चउद्दसरयणाई पावीअ, निउत्तपुरिसा इव अस्स नत्र निहिणो वसगा हुविरे, एवं समाणे पत्थिवो किम कत्थ वा पत्थिओ / जइ एसो सिच्छाए वा नियदेसे वा पेक्खिउं गच्छइ तया सत्तुसाहणकारणं एवं चक्कं किं अग्गओ पयाइ ?, धुवं दिसाणुमाणेण एसो भरहो वाहुबलिं पइ गच्छेइ, अहो महंताणं पि अखंडपसरा कसाया हवंति, सो बाहुबली देवासुरेहिं पि अईव दुज्जओ सुणिज्जइ, तं जिणिउं इच्छंतो एसो अंगुलीए मेरे उद्धरिउं इच्छइ, कयाई अणेण अणुओ जिओ वा अणुएणावि एसो जिओ ति महंतो अजसो, भरहनरिंदस्स उभयपयारेणावि एत्थ हाणी होहिइ' त्ति पवाए सुणतो. भरहेसरो उच्छलंतधूलिपूरेण वइढणसोलविंझगिरि पिव सबओवि उच्छलंतमंधयारं इव दंसिंतो, चउण्हं सेणंगाणं तुरंग-गय-रह- सुहडाणं हेसा-गज्जणचिक्कार--करप्फोडणरवेहिं दिसाओ नादितो, गिम्हदिणयरुप मग्गसरियाओ सोसिंतो, उद्दामो वाउब्व मग्गतरुणो पार्डितो, "मेण्णज्झयवत्थेहिं गयणं बलागामइयं पिच कुणतो, सेण्ण-मदिय-भूमि गय-मय-जलेहिं निव्या वितो चक्कपयाणुगामी नरवई आइच्चो एगरासीओ अण्णरासि पिव दिणे दिणे गच्छंतो बहलीदेसं आसाएई / भरहनरिंदो तस्स देसस्स पवेसम्मि अवक्खंदं निवेसिऊण समुद्दो मज्जायाए इव समज्जायो अवचिढेइ / सुणंदानंदणो बाहुबली वि रायनीइ-गिह-त्थंभ-सरिसेहिं गुत्तचरेहिं तत्थ तं आगयं जाणित्था / बाहुबलिणो वि पयाणं / __अह बाहुबलिनरिंदो पयाणनिमित्तं पडिनाएहिं गयणं भंभीकुणंत पिव भमैं वाएइ / कयपत्थाणमंगलो बाहुबली मुत्तिमंतं कल्लाणं पिव ऊसाहमिव भद्दगइंदं आरोहेइ, सुरेहिं इंदो विध निवेहिं रायकुमारेहिं मंतीहिं अवरेहिं पि सुहडेहि सज्जो परिवरिओ वि सो बाहुवली महावलेहिं महूसाहेहिं एगकज्जपउत्तीहिं अभेज्जेहिं तेहिं अपणो अंसेहिं प्रवादाः-जनश्रुतयः / 2 नियुक्ताः -नियोगिनः / 3 स्वेच्छया / 4 अनुजो-लघुबन्धुः / 5 सैन्यध्वजवस्त्रैः / 6 अवस्कन्दम्-शिबिरम् / 7 भंभा-भेरी / 8 सद्यः /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |