Page Text
________________ 154 सिरिउसहनाहचरिए को भाया जुज्झिहिइ ति बुद्धीए वियारिऊण महासत्तवंता ते कणिहा तायं अणुग च्छिंसु / ताणं च रज्जगहणेणावि छलं पेक्खमाणस्स तुम्ह सामिस्स धुवं बगचेट्ठियं पयडं जाय, अहो ! एवं अम्हासु वि तारिसं नेहं दंसितो सो भरहो वाया-पवंचवियक्खणं विसिटुं तुमं पेसित्था / पन्वइऊण भायरेहिं रज्जदाणाओ तस्स भरहस्स जो हरिसो करिओ सो तत्थ समागएण मए रज्जलुद्धस्स तस्स किं कीरिहिइ ? / वइराओ वि कक्कसो है, जं अप्पविहवो वि समाणो भाउतिरक्कारकायरो तस्स समिद्धिं न गिहामि, सो भरहो उ पुप्फाओ वि मेउओ, जो मायावी अवण्णवायभीरूणं कणीयसबंधूर्ण रज्जाई सयं गिहित्था / नणु दृअ ! भाउरज्जाइं गिण्हमाणं तं भरहं जं उविक्खित्था ता निभएहितो वि निन्भया कह अम्हे ? / जइ गुरू गुरुगुणजुत्तो होज्जा ता तम्मि गुरुम्मि विणओ पसंसारिहो सिया, गुरुगुणेहिं हीणम्मि गुरुम्मि विणओ वि लज्जाकारणमेव / अवलित्तस्स कज्जाकज्ज अजाणंतस्स उप्पहपडिवण्णस्स गुरुणो वि परिच्चागो विहिज्जइ / तस्स भरहस्स तुरंगाइयं अम्हेहि अच्छिण्णं किं ?, किं वा अस्स नयराइयं भग्गं ?, जेण सव्वंसहो भरहनिवो अम्हाणं अविणयं सहिस्सइ / दुज्जणपडिआरटं अम्हे तत्थ पयत्तं न कुणेमो / 'वियारिऊण कज्जकारिणो साहवो खलवयणेहिं किं दृसिज्जन्ति ?' / एयावंतकालं अम्हे न आगया, जओ सो 'निप्पिहो कत्थ वि गओ आसि ?, जेण अज्ज भरहचक्कि उवागच्छामो / सो भूयव्व छलगवेसगो सव्वत्थ वि सइ अपमत्ताणं अलुद्धाणं च अम्हाणं कि खलियं गिण्हेज्जा ? / तस्स देसाइयं किंपि अगिण्हमाणाणं अम्हाणं सो भरहेसरो कहं नाम सामी होज्जा ? / मम तस्स य भयवं उसहसामी एव एगो सामी, अम्हाणं मिहो स-सामिसंबंधो कहं घडइ ? / तेयनिमित्तं मइ तत्थ गए तस्स तेओ केरिसो सिया, सूरे अब्भुदिए समाणे पावगो नहि तेयसी सिया / सामिव्व आयरमाणा असमत्था ते उ भूमिवइणो तं भरहं निसेवेज्जा, दीणेसु जेसु एसो भरहो निग्गहाऽणुग्गहक्खमो अस्थि / भाउसिणेहपक्खेण वि एयम्मि मए कया सेवा सा वि चक्कवट्टित्तणपक्खम्मि सिया, जओ अबद्धमुहो जणो एवं बइस्सइ- एसो चावहिस्स सेवगो' त्ति / अस्स अहं निब्भयो भाया म्हि, सो य आणापहाणो जइ णाइनेहेण अलं आणवेज्जा, 'किं 'वइंरं वइरेण न विदारिज्जई' ? / मुरासुरनरोवासणाए पीणिओ एसो अत्थु, अणेण मम किं ?, 'मुमग्गम्मि गमणक्खमो सुसज्जिओ वि रहो उप्पहम्मि भंजिज्जई' ? जइ तायभत्तो महिंदो 1 मृदुकः / 2 अवलित्तस्य-गर्वितस्य / 3 प्रतिकारार्थम् / 4 निःस्पृहः / 5 आज्ञापयतु / 6 वज्रम् /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |