________________ भाष्यगाथा-२६७-२७५] 73 "पज्जव०" गाधा / कप्पस्स वक्खाणे अणंता पज्जवा / "सव्वागासपएसग्गं अणंतगुणितं १पज्जवग्गं अक्खरं लब्भति" / एयं णंदीए पुव्वुत्तं / संघाता दुविधा-पज्जवाणं, अक्खराण य / 'संघातादी उ संखेज्ज'त्ति अक्खरसंघाता गहिता / इतरे अणंता चेव / आदिग्गहणेणं सिलोगा वेढादयो कप्पस्स संखेज्जा उस्सण्णं सव्वसुयं, ससमयवत्तव्वया समोयरइ / अहिगारो कप्पणाए, समोयारो जो जहिं एस // 271 // "उस्सण्णं०" गाहा / ससमयवत्तव्वयाए 'उस्सण्णं 'ति णिच्चं सव्वज्झयणाई समोयरंति / अत्थाहिगारो मूलगुण-उत्तरगुणेसु आवण्णाणं पायच्छित्तकप्पणाए / इयाणि सीहावलोइतेणं जं भणितं ससमयवत्तव्वयाए समोयरति तं अववदति, परसमयवत्तव्वयाए समोयरति / कधं पुण ? अत उच्यते परपक्खं दूसित्ता, जम्हा उ सपक्खसाहणं कुणइ / णो खलु अदूसियम्मी, परे सपक्खंजसा सिद्धी // 272 // णिक्खेवो होइ तिहा, ओहे णामे य सुत्तनिप्फण्णे। अज्झयणं अज्झीणं, आओ झवणा य तत्थोहे // 273 // "परपक्खं०" गाधा / जम्हा परपक्खस्स परूवणं वोत्तुं तं दूसेत्ता सपक्खो साहिज्जति / तेणं परसमयवत्तव्वयाए वि समोयरति / णो खलु अदूसितम्मि परसमए 'सपक्खस्स अंजस'त्ति, व्यक्ता प्रधाना वा सिद्धिर्भवति / इच्चेतं कप्पज्झयणं उवक्कमे अणुपुव्विमादीएहिं दारेहिं जत्थ जत्थ समोतरति तत्थ तत्थ समोतारितं / से तं उवक्कमे / ॥छ।। से किं तं णिक्खेवे? णिक्खेवे तिविधे पण्णत्ते-तं० ओहणिप्फण्णे, णामणिप्फण्णे, सुत्तालावगणिप्फण्णे य / तत्थोहणिप्फण्णे चउव्विधे-अज्झयणे, अज्झीणे, आओ, ज्झवणा। जधा अणुओगद्दारे। एक्कक्कं तं चउहा, णामाईयं विभासिउं ताहे। भावे तत्थ उ चउसु वि, कप्पज्झयणं समोयरति // 274 // "एक्कक्कं तं०" गाधा / चउसु वि भावेसु समोतरति / ओहणिप्फण्णो णिक्खेवो गतो / णामणिप्फण्णे कप्पो त्ति / णामे छव्विध कप्पो, दव्वे वासि-परसादिएहिं तु / खेत्ते काले जहुवक्कमम्मि भावे उ पंचविहो // 275 // 1. पज्जवग्गक्खरं पा० / 2. आए पू० 2, पा० /
