________________ भाष्यगाथा-२००-२०७] "णिक्खेवा य०" गाधा / सीसो भणति-णिक्खेवा य चउक्क-सत्तयादीया, णिरुत्ताणि य सुत्तत्थाणं अत्थकधणा य एगट्ठिताणं / अधवा चतुर्भिरणुयोगैः या प्रकाशकथना। एवं जधा उसंभातिणो तेवीसं तित्थकरा भणंति किमेवं वद्धमाणसामी वि आतिक्खति ? / आयरिओ भणति-आमं / आह-तो ते उच्चतरा, वद्धमाणसामी सत्त रयणीओ, कधं तह चेव भणति ? / उच्यते धिति-संघयण तुल्ला, केवलभावे य विसमदेहा वि। केवलणाणं तं चिय, पण्णवणिज्जा य चरमे वि // 204 // णायज्झयणाहरणा, इसिभासियमो पइण्णगसुया य। एते हुंति अणियता, णियतं पुण सेसमुस्सण्णं // 205 // "धिति संघयणा०" गाधाद्वयम् / पण्णवणिज्जा वि भावा जे उसभादीणं ते इमस्स वि / किं पुण णायज्झयणादिसु जे दिटुंता एते ते वा होज्जा अण्णे वा ? पच्चुप्पण्णयाणि इसिभासियादीणि, ओसण्णमिति प्रायशः / आह-को दिटुंतो ? जधा तह च्चेव वद्धमाणसामी वि आह ? / उच्यते-'वत्तणी वि जधा' / अस्य व्याख्या जध सव्वजणवएसुं, एक्कं चिय सगडवत्तणिपमाणं / विसमाणि य वत्थूणी, सगडाईणं तध णिरुत्ता // 206 // "जह सव्व०" गाधा / 'विसमाणि य वत्थूणि' त्ति / जति वि अण्णे महल्ला तधा अण्णे खुड्डया / आदिग्गहणेणं २जुग्गयादीणं / आह-अवस्समेव पुरिल्लरधाणं संपयरहाण य विसेसो होति वित्थारस्स / महप्पमाणाण य मणुस्साणं संपतिच्चयाण य अप्पप्पमाणं ति ? / उच्यते जति वि य वत्थू हीणा, पुव्विल्लरधेहिं संपयरधाणं / तह वि जुगम्मि जुगम्मी, सहत्थ चउहत्थगा अक्खा // 207 // "जति वि य०" गाधा / कंठा / आह-जति वि णिक्खेवा य णिरुत्ताणि चेव, जा य कधणा पगासस्स, जहा रिसभादी आहु तधा वद्धमाणो वि, तो वि पंचधणुसतियाणं सातिरेगादीण य मणुस्साणं महल्लाणींदियाणि, तेणं ते सोत्तादिसु इंदिएसु बहुतरए खेत्ते सद्दातिए विसयोवलं भे जाणंति / जे हीणतरपमाणा पुरिसा तेसिं अप्पतराए खेत्ते सद्दादिविसओवलंभेणं भवितव्वं / तो कधं एतं एवं भवति ? / उच्यते 1. णिज्जे विभासा पू० 2 / 2. जुग्गादीणं पा० / जुत्तयादीणं पू० 1 / 3. सहादिसु पू० 1-2 /
