________________ 202 बृहत्कल्पचूर्णिः // [ पीठिका "परिणमति०" गाहा / कंठा / अधवा इमो अण्णो पगारोदोसु वि परिणमइ मई, उस्सग्गऽववायओ उ पढमस्स / बिइतस्स उ उस्सग्गे, अइअववाए य तइयस्स // 800 // "दोसु वि" गाधा / जो परिणामओ भवति तस्स उस्सग्गे पत्ते उस्सग्गे परिणमति मई। अववादे पत्ते अववादे. परिणमति मती / जत्थुस्सग्गो बलिओ तत्थ उस्सग्गं आचरति / जत्थ अववातो बलिओ तत्थाववातं चेव गेण्हति / बितिओ नाम अपरिणामओ / तस्स. उस्सग्गे चेव एगम्मि परिणमति मती / अववादं ण सद्दहति / ततिओ णाम अतिपरिणामओ। तस्स अतिअपवादे परिणमति मती / सो दव्वादिसु अणुण्णं सुणेत्ता ण किंचि परिहरति / चितेति-अतिचिरस्स सुतं, वंचिया मो पुव्वं / पडिसेह चरिमदुगे, (गा० 795) त्ति पडिसेधो छेयसुत्तदाणस्स अपरिणामग-अतिपरिणामगदुगस्स / अंबादी दिटुंतो त्ति / एतेसिं तिण्ह वि जाणणानिमित्तं आयरिया सीसे भणंति-अंबेहिं अज्जो ! कज्जं ति / तत्थ जो परिणामओ सो भणति चेयणमचेयण भाविय, केहह छिण्णे अ केत्तिया वा वि। लद्धा पुणो व वोच्छं, वीमंसत्थं व वुत्तो सि // 801 // "चेयणमचे०" गाधा / किं सचित्ताणि अचित्ताणि सुत्तादीहिं वा भाविताणि ? / 'केद्दह' त्ति किं वड्डलयाणि खुड्डलयाणि प्रमाणेन ? / छिण्णंति किं पुव्वछिण्णाणि आणेमि छिदित्ता इदाणि ? / अधवा किं गंडियाओ कतयं, उत सगलं ? / केत्तिया वा ? / वा विभाषायाम् / किं बद्धट्ठियाणि आणेमि अबद्धट्ठिताणि ? / तरुणं जरढं वेति ? / एवं उक्ते शिष्येण आचार्येण वक्तव्यं-अलाहि लद्धाणि / अधवा भुज्जो' भणीहामि जारिसाणि आणेतव्वाणि / अधवा किं अंबेहिं ममं ? विण्णासणा(वीमंसणा?)णिमित्तं मए वुत्तोऽसि-किं तुमं परिणामओ ण वा, विणीतो ण व त्ति वा ? / जो अपरिणामओ सो भणति किं ते पित्तपलावो, मा बीयं एरिसाइं जंपाहि / मा णं परो वि सोच्छिहि, कहं पि णेच्छामों एयस्स // 802 // "किं ते पित्त०" गाधा / सो णातव्वो अपरिणामओ / जो अतिपरिणामओ सो भणति कालो सिं अइवत्तइ, अम्ह वि इच्छा ण भाणिउं तरिमो। किं एच्चिरस्स वुत्तं, अण्णाणि वि किं व आणेमि // 803 // "कालो सिं०" गाधा / एत्ताहे चेव आणेमि, अण्णेहिं दिवसेहिं जरठीभवंति / 1. वा पुणो भ० पू० 1-2 /
