________________ 184 बृहत्कल्पचूर्णिः // [पीठिका करेंति-अम्हे किर सुत्तत्थाणं अव्वोच्छित्तिं करेमो / तत्थ जो सो पढमिल्लुगउस्सारी सो जहा ते सियाला, तस्स य घंटासियालस्स आकिति घंटासदं च जाणंति, ण पुण णिच्छएणं जाणंतिको एस ? / किं वा एयस्स गलए ? कस्स वा एस सद्दो ? / एवं सो पढमिल्लुगुस्सारी किंचि जाणति ण सव्वं सब्भावं / जो एयस्स पासे उस्सारकप्पं करेति, सो कति वि आलावए जाणेति न पुण अत्थं / सो सिस्सेणं पुच्छितो भणति-किं पि केरिसो वि अत्थि एयस्स अत्थो / सेसा कतिवए वि आलावए ण कटुंति / ते सिस्सेहिं पुच्छिज्जंता भणंति-न याणामो / अत्थि पुण किं पि एतं तस्स तुब्भे जोगं वहह / एवं ते अप्पाणं च परं च णासेंता विहरंति / अह अण्णया कयाइ गीतत्था आयरिया आगता, तेहिं ते उवालद्धा / गच्छा य अच्छिण्णा / गच्छेस् य पवेसिया सव्वे / जम्हा एते दोसा तम्हा न उस्सारेयव्वं / केत्तिया ते भविस्संति, जे एवं निहोडेहिंति ? / एवं संजमस्स जोगस्स य विराधणा भवति / अप्पा परो य कधं चत्तो भवति? उच्यते अप्पत्ताण उदितेण अप्पओ इह परत्थ वि य चत्तो। सो वि अ हु तेण चत्तो, जं ण पढइ तेण गव्वेणं // 727 // "अप्पत्ताण०" गाधा / कंठा / अपात्राणामित्यर्थः / पवयणं कधं परिच्चत्तं ? / सो भण्णति वायओ / ताधे केयि पडुणो पुरिसा एंति–पुच्छामो वायगं, सिद्धतं / पुच्छिओ ण किंचि जाणति / ताधे ते जाणंति–णूणं सव्वं पवयणं णिस्सारं जत्थेरिसो आयरिओ वायगो। तत्थ केयि देसविरतिं सव्वविरतिं वा पडिवज्जितुकामा विप्परिणमंति / एवं पवयणं परिच्चत्तं / किञ्च अज्जस्स हीलणा लज्जणा य गारविअकारणमणज्जे। आयरिए परिवाओ, वोच्छेदो सुतस्स तित्थस्स // 728 // "अज्जस्स" गाधा / यो ह्यार्यो जनो भवत्यसौ हि 'वाचक' इत्यपदिश्यमानो लज्जते'हीलेयं मम यदहं नाम वाचको वाचकेति अपदिश्या(शा)मि' / अथवा अन्यैः पृष्टः 'कथमयमालापक' इति, भृशं लज्जापरो भवत्यव्याकुर्वाण:२ / अनार्यस्य पुनस्तदेव गारवकारणं भवति / यथा "ऽहं 'वाचक' इति अपदिश्ये इति कोऽन्यो मया तुल्यः ?" / आयरियपरिवादो कथं भवति ? ___ 'केणेरिसो अज्झाविओ ? हया से वायगत्तणस्स कारगा' / सो य बहुस्सुयस्स आयरियस्स 'पासातो गतो उस्सारितूणं / अण्णेहिं पुच्छितो-'कधं एस आलावगो ? किंचि वा वागरणं ? / ' जाव ण किंचि जाणति, ताधे ते भणंति-"नूणं सो वि एरिसो चेव आयरिओ, 1. अपदिश्य इति पा० / 2. भवत्यव्याकरयमाणः पू० 2 / 3. अपदिश्यामि पू० 2 / अपदिश्यामः पू० 1 / 4. हतासेण वायगत्तणस्स कारको पा० / 5. पासाणागतो पू० 2 /