Bruhatkalp Sutram Pithika Part 01

SR No.: 004440
Original Sutra Author: N/A
Author: Sheelchandrasuri, Rupendrakumar Pagariya
Publisher: Prakrit Granth Parishad
Publication Year: 2008
Total Pages: 250
Language: Sanskrit
Classification: Book_Devnagari & agam_bruhatkalpa
File Size: 20 MB

Page 192

171 भाष्यगाथा-६६८-६७५] "देविंदराय०" गाधा। एस पंचविहो उग्गहो। तत्थ देविंदोग्गहो' णाम जत्तियस्स सक्को ईसाणो वा पभवति / राओग्गहो चक्कवट्टिमादिणो रायाणो जत्तियस्स पभवंति / एवं सेसा वि। हेछिल्ला उवरिल्लेहिँ बाहिया ण उ लहंति पाहण्णं / पुव्वाणुण्णाऽभिणवं च चउसु भय पच्छिमेऽभिणवा // 673 // "हेछिल्ला०" गाधा / हेट्ठिल्लो देविंदोग्गहो / तस्स उवरिल्लो राओग्गहो / सो देविंदोग्गहं बाहति, तेण देविंदोग्गहो बाधितो पाधण्णं ण लब्भति / जं भणितं होति-राउग्गहे राया चेव पभवति ण देविंदो / तेण तत्थ राया चेव अणुजाणावेतव्वो / तं पि गाधापतिउग्गहो बाहति / तं पि सागारिओग्गहो बाधति / तं पि साहम्मिओग्गहो बाधति / 'पुव्वाणुण्णा' णाम जो अण्णेहिं २पुव्वएहिं साहूहिं उग्गहो अणुजाणावितो पच्छा अण्णेहिं परिभुज्जति सा पुव्वाणुण्णा भवति / जधा पुरा साधूहि देविंदो अणुजाणावितो संपयं पि सा चेव पुव्वाणुण्णा अणुसज्जति / अभिणवा अणुण्णा णाम जता अण्णो देविंदो उववण्णो भवति, तदा सो अणुजाणाविज्जति / सा तेसिं चेव साधूणं अभिणवा अणुण्णा भवति। अण्णेसिं पुव्वाणुण्णा चेव। एवं रायादीणं पि। पुव्वाणुण्णाभिनवं च चउसु भय त्ति गतं / 'पच्छिमेऽभिणव'त्ति / पच्छिमो साधम्मिउग्गहो / तत्थ अभिणवाणुण्णा चेव भवति, २ण पुव्वाणुण्णा / जेणं जो जं जाधे उवसंपज्जति साधम्मिओ साहम्मियं सो तं ताधे चेव अणुजाणावेति / जं पुण पुव्वाणुण्णा तं साधुणो साधू वत्थाति परिभुंजति तत्रात्मीयोपचार एव भवति / तेण सा पुव्वाणुंण्णा भवतीति, पंचविधम्मि परूविए / कधं ? उच्यते दव्वादी एक्केको, चउहा खित्तं तु तत्थ पाहण्णे / ___ तत्थेव य जे दव्वा, कालो भावो असामित्ते // 674 // "दव्वादी०" गाधा / देविंदोग्गहो चउव्विहो / तं जधा-दव्वओ, खेत्तओ, कालओ, भावओ / एवं सेसा वि दव्वादीया चउव्विधा भाणितव्वा / एत्थ पढमं खेत्तोवग्गहो परूविज्जति / किंनिमित्तं ? उच्यते क्षेत्रं प्राधान्ये वर्तते / अस्मिन्नेव क्षेत्रे यतो यद् द्रव्यं कालो भावश्च आधेयः अतस्तदाधारभूतं स्वामित्वे वर्तते द्रव्यादीनां क्षेत्रं / तस्मिंश्च प्रथमं प्ररूपिते द्रव्यादयः प्ररूपिता एव भवन्ति / अतः क्षेत्रमेव प्रथमं प्ररूप्यते / आह-पेशलमपदिष्टं, स प्ररूप्यतां क्षेत्रावग्रह: इदानीम् / ५श्रूयतां, ब्रूमः पुव्वावरायया खलु, सेढी लोगस्स मज्झयारम्मि / जा कुणइ दुहा लोगं, दाहिण तह उत्तरद्धं च // 675 // ... 1. जतिल्लयस्स पू० 1 / 2. पुव्वसाहूहिं पा० / 3. जधा पुव्वा० पू० 2 / 4. एव इत्यतः क्षेत्र० पू० 2 / 5. उच्यते पू० 1-2 /