________________ 144 बृहत्कल्पचूर्णिः // [पीठिका कतिएण सभावेण व, कहापमत्ते हरंति से अण्णे। किड्डा सयं व रिंखा, पासति व तहेव किड्डदुगं // 560 // एत्थं पि कइतवेण वा ते एज्जा सभावेण वा, 'धम्मं सुणिमो'त्ति / "कतितवेण सभावेण व" पुव्वद्धं कंठं / 'धम्मकध'त्ति गतं / इदाणि 'किड्ड' त्ति दारं / किड्डति सयं वा रिखाओ वा करेति, पासति वा कोउगेण किड्डूंते / तधेव किड्डदुर्ग ति। जधा-बलीए सभावेण वा कतितवेण वा ते एंति, तहेव किड्डाणिमित्तमवि सभावेण वा कइतवेण वा एन्ति / एतं दुगं / रिंखाओ त्ति, कयाइ खुड्डुओ भणेज्जा–ण वट्टए अम्हं किड्डिउं, तो खाइं तुमं रिखाओ करेहि जो अम्हं जत्तिए वारे जिज्जति / शेषं उक्तार्थं / तत्थ वक्खित्तस्स हरंति / 'किड्ड'त्ति दारं गतं / इदाणि पमज्जणा-आवरिसणा य दो वि दारे गाहद्धेणं भणति जो चेव बली' गमो, पमज्जणाऽऽवरिसणे वि सो चेव / "जो चेव०" कंठं / इदाणि 'पाहुडिया' पाहुडियं वा गेण्हसु, परिसाडणियं व जा कुणिमो // 561 // "पाहुडिय०" पच्छद्धं / तं पि कइतवेण वा सभावेण वा भणेज्जा-'भिक्खं ५गेण्हह खुड्डया ! दारे वा णिग्गतओ होहि, जाव वयं 'परिसाडणिय'त्ति अच्चणियं करेमो / एत्थ जाव सो भिक्खस्स जाति णिक्कलति वा ताव हरति / भिक्खा वि पाहुडिता भण्णति अच्चणिया वि। तेन सादृश्यादुभयग्रहणं कृतं / 'पाहुडिय'त्ति दारं गतं / इयाणि खंधावार-अगणी य दो वि दारे एगढे भणति खंधारभए णासति, एस व एइ त्ति कइयवे णस्स। अगणिभया व पलायति, णस्ससु अगणी व एति त्ति // 562 // "खंधारभए०" गाधा / तं पुण कतितवेण वा सभावेण वा भणेज्जा जधा-एस सरायओ खंधावारो एति त्ति / तत्थ जति सभावेणं तो णसति / नस्संतो सो बालो तेणेहि हीरेज्जा / कइतवेणं भणेज्जा-एस एति खंधावारो खुड्डया ! णस्स, ताधे सो णस्सति / इयरे उवहिं हरति / अगणीए सभावेणं भणेज्जा-एस अगणी एति / अप्पणा वा सो खुड्डुओ पासेज्जा अगणि, ताधे नासति / अध कइतवेणं भणेज्जा-मंदभग्गा ! णस्ससु, अगणी एस __1. कतिएण पू० 2, पा० / 2. किड्डूंतो पू० 2 / 3. पू० 2 नास्ति / 4. गिण्ह पू० 2 / 5. जिप्पति पू० 1 /
