________________ 126 बृहत्कल्पचूर्णिः // [पीठिका संघट्टेज्जा / 'यत्राग्निस्तत्र वायुः', कुंथुमादिणो य पाणा लेवे लग्गया होज्जा / एतेण कारणेणं आता-पवयण-संजमाणं विराधणा / किंच, जधा पिंडेसणा-पाणेसणातो' भणियातो, ण एवं लेवेसणा / आयरिओ भणति-जे एवं भणंति ते अवियाणित्तूण सब्भावं / ते वत्तव्वा-लेवो अज्जकालितो न भवति, जेण दिट्ठो तेलोक्कदंसीहिं / कधं पुण ? उच्यते-जेण पाएसणाए तिविधं पायं भणितं अधाकडादि / एत्थ अप्पसपरिकम्माणं अवस्स लेवेण कज्जं / जं च ओहणिज्जुत्तीए इहं च लेवेसणा भणिया, तम्हा लेवो दिट्ठो तेलोक्कदंसीहिं / जं च भणसिआतोवघातादी दोसा, हे चोदक ! / तेसिं दोसाणं परिहारो, चोयग जयणाएँ कीरए तेसिं / पाते उ अलिप्पंते, ते दोसा होतऽणेगगुणा // 480 // "दोसाणं०" गाधा / कंठा / 'अणेगगुण'त्ति अणेगप्पगारा, ते आयादीणं उवग्घाता भवंति / कधमिति चेत् ? उच्यते उड्डादीणि उ विरसम्मि भुंजमाणस्स होति आयाए / दुग्गंधि भायणं ति य, गरहति लोगो पवयणम्मि // 481 // "उड्डादीणि०" गाधा / कंठा / किंच, जधा२पवयणोवघाता अण्णे, वि अत्थि ते उ जयणाएँ कीरंति। आयमणभोयणाई, लेवे तव मच्छरो को णु // 482 // , "पवयणोवघाता अण्णे वि०" गाधा / कंठा / जधा अंबिलाऽऽयमणं काइयायमणं अणायमणं पात्रभोयणं मंडलीभोयणं चेति / / खंडम्मि मग्गियम्मी, लोणे दिण्णम्मि अवयवविणासो। , अणुकंपादी पाणम्मि होति उदगस्स उविणासो // 483 // "खंडम्मि०" गाधा / अलित्ते पाते कम्मिइ कज्जे खंडे मग्गिते अविरतियाए 'खंड'ति काउं अणाभोगेणं सैंधवादिलोणं दिण्णं, ताधे अलित्ते अंबे भायणे तं पुढविक्कातियं विद्धंसति / 'अवयव'त्ति, अंबावयवेहिं अधवा पाणए मग्गिते अणुकंपाए सा अविरतिया ‘एते उदगस्स सायं न जाणंति' त्ति उदगं देज्जा / आदिशब्दादनाभोगेणं / वताणि वा से भज्जंतु, ताधे अंबावयवेहि आउक्काओ विद्धंसिज्जति / पूतलियलग्ग अगणी, पलीवणं गाममादिणं होज्जा। रोट्टपणगा तरुम्मि, भिगु-कुंथादी य छम्मि // 484 // 1. पादेसणातो पा० / 2. पवयणघाया पा० मु० /
