________________ भाष्यगाथा-२९७-२९८]. भज्जा जाया.। इतरो वि मायारएहिं गहितो। खेड्डाओ सिक्खावितो / अन्नदा ते मायारगा रण्णो पुरतो पेच्छं देंति / राया देवीए समं पेच्छति। ताधे सो वाणरो देविं णिज्झायंतो अभिलसति / ताधे ताए अणुकंपाए वानरो भणितो जो जधा वट्टए कालो, तं तथा सेव वाणरा ! / मा वंजुलपरिब्भट्ठो, वाणरा पडणं सर // 297 // "जो जहा वट्टते कालो०" सिलोगो / अण्णं वाणरिं मग्गाहीत्यर्थः / “मा वंजुलपरिब्भट्ठो"। तुम तदा मए भणितो-मा वंजुलरुक्खातो सरं पडाहि / बितियं वारं पडितो पगति जाएज्जासि त्ति, तं सराहि मम पडिसेधं ति / एवं भावे अधिए अत्थादिविसंवाद-विभासा / 'अविच्चामेलितं, अवाइद्धं' च / एते दो वि एक्कगाधाते वक्खाणेतिविच्चामेलण अण्णुण्णसत्थपल्लवविमस्स पयसो वा। तं चेव य हिट्ठवरिं, वायद्धे आवली णायं // 298 // "विच्चामेलण०" गाधा / विच्चामेलितं दुविध-दव्वे जधा-कोलिता वतियं गता। तत्थ तेहिं ओहारएण 'परमण्णं रंधेमो'त्ति दुद्धं आहेहेत्ता जं जं एत्थ छुब्भति, तं सव्वं पायसो भवति त्ति, तंदुला चवलया तिला मुग्गा कुक्कुसा यपण्णं च छूढं / तं सव्वं विणटुं अकिंचिकरं जातं / एवं चेव भावे / भावे सुत्तं विच्चामेलेति जहा-"सव्वभूयप्पभूतस्स सम्मं भूयाणि पासतो" [दश० अ० 4 गा० 9] एत्थ इमं पि घडति त्ति काउं छुब्भति "४श्रूयतां धर्मसर्वस्वं०" श्लोकः / एवं भावे विच्चामेलितं सुत्तं करेंतस्स अत्थविसंवायादी जाव दिक्खा णिरत्थया / वाइद्धं दुविधं-दव्वे-आवली णाम हारो, सो उदाहरणं एगा आभीरी णगरं गता / तीसे वयंसिता वाणिगिणी, सा हारं पोएति / इतरी भणतिआणेध, अहं हारं पोएमि / ताए पणामितो / इयरीए उप्परिवाडीए पोतितो / जाव वाणिगिणी वक्खित्ता / पच्छा ताए दटुं भणिता-हा पावे ! विणासितो ते हारो / महं दुक्कम्मयं कयं / एतं दव्ववाइद्धं / एवं जो भावे सुत्तं वाइद्धं करेति तस्स अत्थविसंवातादि विभासा, जाव दिक्खा णिरत्थया / केरिसं पुण वाइद्धं ? तं चेवेगं सुत्तं हेट्ठोवरिं करेति / जधा 1. अद्दहेत्ता पू० 2 / 2. पस्सओ पू० 2 / 3. इमं घ० पू० 2 / 4. श्रूयतां धर्मसर्वस्वं श्रुत्वा चैवावधार्यताम् / आत्मनः प्रतिकूलानि, परेषां न समाचरेत् // [ इतिहास समुच्चये ]
