________________ भाष्यगाथा-२८८-२९७] अक्खर-पयाइएहि, हीणऽइरेगं च तेसु चेव भवे / दोसु वि अत्थविवत्ती, चरणे य अयो य ण य मुक्खो // 292 // ____ हीणे सुत्ते अत्थविसंवादो / अत्थविसंवादे चरणविसंवादो / चरणविसंवादा मोक्खाभावो / मोक्खाऽभावे 'सव्वा दिक्खा णिरत्थिया / एस भावहीणस्स दोसो / दव्वहीणे बालो दिटुंतो / इयाणि भावहीणे इमो दिटुंतो विज्जाहर रायगिहे, उप्पय पडणं च हीणदोसेणं / सुणणा सरणा गमणं, पयाणुसारिस्स दाणं च // 293 // "विज्जाहर०" गाहा। रायगिहे सामी समोसढो / तत्थ एगो विज्जाहरो वंदितुं पडिणियत्तो विज्जं आवाहेति / तस्स तीसे विज्जाए कतियि अक्खराणि विस्सरिताणि / सो उप्पय-पडणं२ करेति / ३सा हीणदोसेण ण वहति / अभतो तं दट्ठण तस्स सगासं गंतुं पुच्छति / तेण सिटुं / अभएण भणितं-जति ममं पि देसि तो उज्जुयारेमि / इयरेण पडिवण्णं / अभएण भणितं-तो खाई भण एगं पदं / तेण भणितं / अभएण सुयं / एस सुणणा / ताहे अभएण पयाणुसारिणा ताणि अक्खराणि सरियाणि / एस 'सरणा' / गमणं'ति / ताधे सो विज्जाधरो उप्पतित्ता गतो। सो चेव उवणओ / अहियं पि दुविधं-दव्वे, भावे य / दव्वे अहिए तधेव दो अविरतियाओ दिटुंतो-ओसधेहिं पीहएण य / एवं भावे वि सुत्तं अक्खरेहिं अधियं करेति, मासलहुं / विभासा तधेव, जधा हीणे / इयाणि भावे अधिए दिटुंतोपाडलऽसोग कुणाले, उज्जेणी लेहलिहण सयमेव / अहिय सवत्ती मत्ताहिएण सयमेव वायणया // 294 // मुरियाण अप्पडिहया, आणा सयमंजणं णिवे णाणं / गामग सुयस्स जम्मं, गंधव्वाऽऽउट्टणा को त्ति // 295 // चंदगुत्तपपुत्तो तु, बिंदुसारस्स णत्तुओ। असोगसिरिणो पुत्तो, अंधो जायइ कागिणिं // 296 // "पाडलऽसोग०" गाधाओ तिण्णि / पाडलिपुत्ते णगरे चंदगुत्तपुत्तस्स बिंदुसारस्स रण्णो पुत्तो असोगो णाम राया / तस्स 1. सव्वदिक्खा पू० 2 / 2. सोउप्पयणं पडणं च खं० / 3. सो पू० 1, पा० / 4. दटुं पू० 12, पा० / 5. उज्जुतारेमि पू० 1-2 /
