Page Text
________________ 346 2-1-5-1-6 (480) श्री राजेन्द्र यतीन्द्र जैनागम हिन्दी प्रकाशन वस्त्र ग्रहण करते समय किए जाने वाले अभिग्रहों का उल्लेख करते हुए सूत्रकार महर्षि सुधर्मस्वामीजी आगे का सूत्र कहतें हैं... I सूत्र // 6 // // 480 // इच्चेइयाई आयतणाई उवाइकम्म, अह भिक्खू जाणिज्जा चउहिं पडिमाहिं वत्थं एसित्तए, तत्थ खलु इमा पढमा पडिमा, से भि०, उद्देसिय वत्थं जाइज्जा, तं- जंगियं वा जाव तूलकडं वा, तह० वत्थं सयं वा न जाइज्जा, परो० फासुयं पडि० पढमा पडिमा / अहावरा दुच्चा पडिमा- से भि० पेहाए वत्थं जाइज्जा- गाहावई वा० कम्मकरी वा से पुव्वामेव आलोइज्जा- आउसोत्ति वा दाहिसि मे इत्तो अण्णयरं वत्थं ? तहप्प० वत्थं सयं वा० परो० फासुयं एस० लाभे० पडि० दुच्चा पडिमा / अहावरा तच्चा पडिमा० से भिक्खू० से जं पुण० तं अंतरिज्जं वा उत्तरिज्जं वा तहप्पगारं वत्थं सयं० पडि० तच्चा पडिमा / अहावरा चउत्था पडिमा- से0 उज्झियधम्मियं वत्थं जाइज्जा- जं चऽण्णे बहवे समण० वणीमगा नावकंखंति तहप्प० उज्झिय० वत्थं सयं० परो० फासुयं जाव प० चउत्थी पडिमा। इच्चेइयाणं चउण्हं पडिमाणं जहा पिंडेसणाए, सिया णं एताए एसणाए एसमाणं परो वइज्जा आउसंतो समणा ! इज्जाहि तुमं मासेण वा दसराएण वा पंचराएण वा सुते सुततरे वा तो ते वयं अण्णयरं वत्थं दाहामो, एयप्पगारं निग्योसं सुच्चा नि० से पुव्वामेव आलोएज्जा-आउसोत्ति ! वा नो खलु मे कप्पड़ एयप्पगारं संगारं पडिसुणित्तए, अभिकंखसि मे दाउं इयाणिमेव दलयाहि, से नेवं वयंतं परो वइज्जा- आउ० स० ! अणुगच्छाहि तो ते वयं अण्ण वत्थं दाहामो। से पुत्वामेव आलोइज्जा- आउसोत्ति ! वा नो खलु मे कप्पड़ संगारवयणे पडिसुणित्तए० से सेवं वयंतं परो नेया वइज्जा- आउसोत्ति वा ! भइणित्ति वा ! आहरेयं वत्थं समणस्स दाहामो, अवियाइं वयं पच्छावि अप्पणौ सयट्ठाए पाणाई, समारंभ समुद्दिस्स जाव चेइस्सामो, एयप्पगारं णिग्योसं सुच्चा निसम्म तहप्पगारं वत्थं अफासुयं जाव नो पडिगाहिज्जा, सिया णं परो नेता वइज्जा- आउसोत्ति ! वा आहर एयं वत्थं सिणाणे वा आघंसित्ता वा प० समणस्स णं दाहामो, एयप्पगारं निग्योसं सुच्चा नि० से पुव्वामेव आउ० भ० ! मा एयं तुमं वत्थं सिणाणेण वा जाव पघंसाहि वा, अभि० एमेव दलयाहि, से सेवं वयंतस्स परो सिणाणेण वा पघंसित्ता दलइज्जा, तहप्प० वत्थं अफा नो पडिगाहिज्जा।
| SR No. | 004438 |
| Book Title | Acharang Sutram Part 04 |
| Original Sutra Author | N/A |
| Author | Jayprabhvijay, Rameshchandra L Haria |
| Publisher | Rajendra Yatindra Jainagam Hindi Prakashan |
| Publication Year | |
| Total Pages | 608 |
| Language | Sanskrit |
| Classification | Book_Devnagari & agam_acharang |
| File Size | 14 MB |