________________ // सप्ततिकासारम् // सिरिवीरजिणं नमिऊण भणियनीसेससत्थसारत्थं / वुच्छामि सत्तरीए सारमिणं संगहेऊण // 1 // बंधे उदए संते पण पण पढमंतिमेसु कम्मेसु / वेयणियाउयगोए बंधे उदए य एक्किक्कं // 2 // संतम्मि दोन्नि एक्कं व हुज्ज अह दंसणस्स आवरणे। नव छच्चउरो बंधे संतम्मि य उदय चउ पण वा / / 3 / / बावीस इक्कवीसा सतरस तेरस हवंति नव पंच / चउ तिग दुग एक्कं वि य बंधट्ठाणाणि दस मोहे // 4 // मिच्छं कसायमोलस वेओ एक्को भयं दुगंछा य / जुयलेगेण दुवीसा इगवीसा मिच्छविगमम्मि // 5 // अणबंधविगमि सतरस तेरस विगमे अपञ्चखाणाणं / पञ्चक्खाणाभावे नव हासाईचउक्कस्स // 6 // वोच्छेए पणबंधे ऽमवेयाविंगमओ य चत्तारि / कोहाई य कसाए केवलए बंधए तत्तो // 7 // कोहे विगए बंधइ संजलणतिगं दुगं तु माणम्मि मायाविगमे बंधइ अनियट्टी लोभमेगं तु // 8 // दस नव अह य सत्त य छ पंच चउ दुन्नि एक मोहुदया / मिच्छ कसायचउक वेओ जुयलं भयदुगुछा // 6 // एए दस अणविगमे भयदुगुंछाण वेगविगमम्मि / नवउदए दुगविगमे अट्ठ य सत्त उ तिगाविगमे // 10 // अणरहियकसायतिगं वेओ जुयलं छलोदए एवं / आइल्लवीयरहिया दुन्नि कसाया य पुमवेओ // 11 // जुयलेण य पणगुदए चउरुदओ पुणिक्कयम्मि संजलणे / वेएण य जुयलम्मि य दुगोदओ जुयलविगमम्मि // 12 // वेयस्स पुणो विगमे संजलणकसायमेगमुदयम्मि / इय दिसिमित्तं भणिया एगेगपगारओ उदया // 13 // अट्ठग-सत्तय-छ-च्चउ-तिग-दुग-इक्काहिया भवे वीसा / तेरस बारिकारस पण चउ ति दु इक्क मोहस्म // 14 //
