Page Text
________________ वर्गणा दलविभागनिरूपणम् [ 41 गहियदलियस्स भागो बहुठिकम्मेसु होइ कमवुद्यो / वेयणिए सव्वोवरि तस्स फुडत्तं न जेणऽप्पे // 19 // गहियस्स दलियस्स बज्झमाणपगडिसंखाए विभज्जमाणस्स भागो-अंसो "बहुठोकम्मेसु" त्ति बहुट्ठियाणि जाणि कम्माणि तेसु कमवुड्डी-परिवाडीए वुडिमागओ भवइ / नवरं वेयणीए दुविहे वि सम्वेसि कम्माणं "उवरि" त्ति बहुवुडो भवइ, जेण कारणेण तस्स वेयणियस्स फुडत्तं सकज्जसाहणत्तं न होड, अप्पे-थोवे सति दुहं वा सुहं वा / अप्पदलिएण न वेइज्जइ ति। तत्थ अट्ठविहबंधगे आउस्स थोवो भागो / तओ नामगोयाणं दोण्ह वि भागो तुल्लो, आउयभागओ विसेसाहिओ / तओ नाणावरणीयदंसणावरणीयअंतराइयाणं तिन्ह वि कम्माणं तुल्लो भागो, पुचभागाओ विसेसाहिओ / तओ मोहणीयस्स विसेसाहिओ / तओ वेयणीयस्स विसेसाहिओ // 9 // इयाणिं इममेव कम्मदलियं दंसणावरणाइउत्तरपयडीसु विभज्ज पयडीण सव्वघाईण होइ नियजाइदलअणंतंसो / बझंतीण विभज्जइ सेसं संसाणमणुसमयं // 10 // सव्ववाइपयडीणं केवलदसणावरणाईणं वीससंखाणं नियजाइदलस्स दंसणावरणाइभागागयस्स अणंतमो अंसो होइ / परं बझंतीणं बंधे आगच्छंतीणं विभज्जइ-विभागमावज्जइ / "सेसं" ति उव्वरियं सेसाणं-देसघाईणं पयडीणं 'अणुसमयं" ति निरंतरं / तत्थ दंसणावरणीयस्स नव उत्तरपयडीओ, छ सव्वघाईओ, ताहि लद्धं अणंतिमो भागोः देसघाइणीओ तिन्नि, सेसं तेसिं अणंतगुणं / नाणावरणस्स पयडीओ पंच, केवलनाणावरणं सव्वघाई, तीए लद्धं सव्वथोवंः सेसं मइनाणावरणाईण चउहि भागेहिं अणंतगुणं / अंतराइए पयडीओ पंच, सव्याओ देसघाइणीओ, सव्वेसि तुल्लो भागो / मोहणीयस्स उत्तरपयडीओ छव्वीसं; सव्वघाईओ तेरस, ताहिं भागलद्धं अणंतिमो भागोः कहं ? भन्नइ,-सव्वकम्मपएसाणं जे निद्धयरा पुग्गला सव्वकम्मदयाणंतुत्ति, एएण कारणेण अणंतिमो भागो, ते सव्वघाइजोग्गा नियनियसबधाईसु उववुज्जतिः देसघाइणीओ तेरस, तेसिं भागो अणंतगुणो / आउयस्स पयडीओ चत्तारि, वज्जंतियस्स भागो / एवं गोयवेयणीयाणं पि बझंतीणं भागो। नामस्स अट्ठ बंधठाणाणि-तेवीसा, पणवीसा, छब्बीसा, अट्ठावीसा, गुणतीसा, तीसा, दगतीसा, एगा जसकित्ती / जं बंधट्ठाणं जया बज्झइ तस्स भागो दट्ठव्यो / नवरं वण्णाईणं विसेसो / वनस्स पंचभागा सलद्धभागस्स / गंधस्स दो / एवं रसफासाईण वि संभवियभेएसु भाणियव्वं // 10 //
| SR No. | 004404 |
| Book Title | Karmgranth tatha Sukshmarth Vicharsar Prakaran |
| Original Sutra Author | N/A |
| Author | Veershekharvijay |
| Publisher | Bharatiya Prachya Tattva Prakashan Samiti |
| Publication Year | 1974 |
| Total Pages | 716 |
| Language | Sanskrit |
| Classification | Book_Devnagari |
| File Size | 16 MB |