________________ काव्यमाला। महाकविश्रीक्षेमेन्द्रकृता समयमातृका। प्रथमः समयः / अनङ्गवातलास्त्रेण जिता येन जगत्रयी / विचित्रशक्तये तस्मै नमः कुसुमधन्वने // 1 // यस्या दुर्धरघोरवक्रकुहरे विश्वक्षये लक्ष्यते क्षुब्धाब्धाविव लोलबालशफरी कुत्रापि लोकत्रयी। तामज्ञातविशालकालकलनां तैस्तैः पुराणैरपि प्रौढां देहिसमूहमोहनमयी काली कराला नुमः // 2 // क्षेमेन्द्रेण रहस्यार्थमन्त्रतन्त्रोपयोगिनी / क्रियते वाररामाणामियं समयमातृका // 3 // अस्ति स्वस्तिमतां विलासवसतेः संभोगभङ्गीभुवः केलिप्राङ्गणमङ्गनाकुलगुरोद॑वस्य शृङ्गारिणः / कश्मीरेषु पुरं परं प्रवरतालब्धाभिधाविश्रुतं सौभाग्याभरणं महीवरतनोः संकेतसद्म श्रियः // 4 // यत्र त्रिनेत्रनेत्राग्नित्रस्तस्त्यक्त्वा जगत्रयीम् / पौरस्त्रीत्रिवलीकूले वसत्यसमसायकः // 5 // तत्राभूदभिभूतेन्दुद्युतिः कंदर्पदर्पभूः / / कान्ता कलावतीनाम वेश्या वश्याञ्जनं दृशोः // 6 // कुचयोः कठिनत्वेन कुटिलत्वेन या भ्रुवोः / . नेत्रयोः श्यामलत्वेन वेश्यावृत्तमदर्शयत् // 7 // 1. प्रवरपुरनाम्ना प्रसिद्धम्.
