________________ भगवई स. 25 उ. 5 985 दव्वटुपएसट्टयाए-सव्वत्थोवा अणंतपएसिया खंधा सम्वेया दव्वट्ठयाए 1, ते चेव पएसट्टयाए अणंतगुणा 2 अणंतपएसिया खंधा णिरेया दव्वट्ठयाए अणंतगुणा 3, ते चेव पएसट्टयाए अणंतगुणा 4, अणंतपएसिया खंधा देसेया दवट्टयाए अणंतगुणा 5, ते चेव पएसट्टयाए अणंतगुणा 6, असंखेज्जपएसिया खंधा सम्वेया दव्वट्ठयाए अणंतगणा 7, ते चेव पएसट्टयाए असंखेज्जगणा 8, संखेज्जपएसिया खंधा सम्वेया दव्वट्ठयाए असंखेज्जगुणा 6, ते चेव पएसट्टयाए असंखेज्जगुणा 10, परमाणुपोग्गला सव्वेया दव्वट्ठअपएसट्टयाए असंखेज्जगुणा 11, संखेज्जपएसिया खंधा देसेया दवट्ठयाए असंखेज्जगुणा 12, ते चेव पएसट्टयाए असंखेज्जगुणा 13, असंखेज्जपएसिया खंधा देसेया दव्वट्ठयाए असंखेज्जगुणा 14, ते चेव पएस. ट्ठयाए असंखेज्जगुणा 15, परमाणुपोग्गला णिरेया दव्वट्ठअपएट्टयाए असंखेज्जगुणा 16, संखेज्जपएसिया खंधा गिरेया दवट्ठयाए संखेज्जगुणा 17, ते चेव पएसट्टयाए संखेज्जगुणा 18, असंखेज्जपएसिया णिरेया दवट्ठयाए असंखेज्जगणा 16, ते चेव पएसट्टयाए असंखेज्जगुणा 20 // 743 // कइ णं भंते ! धम्मस्थिकायस्स. मज्झपएसा प० ? गोयमा ! अट्ट धम्मस्थिका. यस्स मज्झपएसा प० / कइ णं भंते ! अहम्मस्थिकायस्स मज्झपएसा प० ? गोयमा! एवं चेव, कइ णं भंते ! आगासत्थिकायस्स मज्झपएसा प० ? एवं चेव / कइ गं भंते ! जीवस्थिकायस्स मज्झपएसा प० ? गोयमा ! अट्ठ जीवत्थिकायस्स मज्झपएसा प० / एए गं भंते ! अट्ठ जीवस्थिकायस्स मज्झ. पएसा कइसु आगासपएसेसु ओगाहंति ? गोयमा ! जहण्णणं एक्कंसि वा दोहि वा तिहि वा चउहि वा पंचहि वा छहि वा उक्कोसेणं अट्ठसु, णो चेव गं सत्तसु / सेवं भंते ! सेवं भंते ! ति // 744 // - पंचवीसइमं सयं पंचमो उद्देसो कइविहा णं भंते ! पज्जवा पण्णता ? गोयमा ! दुविहा पज्जवा 50, तं०-जीवपज्जवा य अजीवपज्जवा य, पज्जवपयं णिरवसेसं भाणियव्वं जहा पण्णवणाए // 745 // आवलियाणं भंते ! कि संखेज्जा समया असंखेज्जा समया अणंता समया ? गोयमा ! णो संखेज्जा समया असंखेज्जा समया णो अणंता समया। आणापाणुणं भंते ! किं संखेज्जा० ? एवं चेव / थोवे गं
