________________ 964 अंग-पविट्ठ सुत्ताणि संखेज्जा णो असंखेज्जा अणंता / जीवदव्वा णं भंते ! कि संखेज्जा असंवेज्जा अणंता ? गोयमा ! णो संखेज्जा णो असंखेज्जा अणंता / से केण?णं भंते ! एवं बच्चइ-जीवदवा णं णो संखेज्जा णो असंखेज्जा अणंता ? गोयमा ! असंखेज्जा रइया जाव असंखेज्जा वाउक्काइया, अणंता वणस्सइकाइया, असंखेज्जा बेइंदिया एवं जाव वेमाणिया, अणंता सिद्धा, से तेणढेणं जाव अणंता // 716 / जीवदव्वाणं भंते ! अजीवदया परिभोगत्ताए हव्वमागच्छति अजीवदव्वाणं जीवदव्वा परिभोगत्ताए हव्वमागच्छंति ? गोयमा ! जीवदव्वाणं अजीवदवा परिभोगत्ताए हव्वमागच्छंति णो अजीवदव्वाणं जीवदव्वा परिभोगत्ताए हव्वमागच्छति / से केणठेणं भंते ! एवं वुच्चइ-जाव हवमाग. च्छंति ? गोयमा ! जीवदव्वा णं अजीवदव्वे परियाइयंति अजीव० 2 ता ओरालियं वेउव्वियं आहारगं तेयगं कम्मगं सोइंदियं जाव फासिदियं मणजोगं वइजोगं कायजोगं आणापाणुत्तं च णिवत्तयंति, से तेण?णं जाव हव्वमागच्छति / रइयाणं भंते ! अजीवदव्वा परिभोगत्ताए हव्वमागच्छति अजीव वाणं रइया परिभोगत्ताए हव्वमागच्छंति ? गोयमा ! रइयाणं अजीव. दव्वा परिभोगत्ताए हव्वमागच्छंति णो अजीवदवाणं णेरइया जाव हव्वमागच्छति / से केणठेणं. ? गोयमा ! णेरइयाणं अजीवदव्वे परियाइयंति अ०२ ता वेउव्वियं तेयगं कम्मगं सोइंदियं जाव फासिदियं आणापाणुत्तं च णिव्व. त्तियंति, से तेणठेणं गोयमा ! एवं बुच्चइ०, एवं जाव वेमाणिया णवरं सरीरइंदियजोगा भाणियव्वा जस्स जे अस्थि // 720 // से णणं भंते ! असं. खेज्जे लोए अणंताई दव्वाइं आगासे भइयव्वाइं ? हंता गोयमा ! असंखेज्ज लोए जाव भइयत्वाइं / लोगस्स णं भंते ! एगमि आगासपएसे कइदिसि पोग्गला चिज्जति ? गोयमा ! णिव्वाघाएणं छद्दिसि वाघायं पडुच्च सिय तिदिसि सिय चउदिसि सिय पंचदिसि / लोगस्स गं भंते ! एगमि आगासपएसे कइ दिसि पोग्गला छिज्जंति ? एवं चेव, एवं उचिज्जति एवं अवचिज्जति ॥७२१॥जीवे णं भंते ! जाइं दव्वाइं ओरालियसरीरत्ताए गेण्हइ ताई कि ठियाई हइ अठियाई गेण्हइ ? गोयमा ! ठियाईपि गेण्हइ अठियाइंपि गेहइ / ताई भंते ! कि दव्वओ गेण्हइ खेत्तओ गेहइ कालओ गेण्हई भावओ गेण्हइ ? गोयमा ! दवओवि गेण्हइ खेत्तओवि गेण्हइ कालओवि गेहइ भावओवि
