________________ 962 अंग-पविट्ठ सुत्ताणि अपज्जत्तगा 1, सुहुमपज्जत्तगा 2, बायरअपज्जत्तगा 3, बायरपज्जत्तगा 4, बेइंदिया अपज्जत्तगा 5, बेइंदिया पज्जत्तगा 6, एवं तेइंदिया 8, एवं चरिदिया 10, असणिपंचिदिया अपज्जत्तगा 11, असण्णिचिदिया पज्जत्तगा 12, सणिचिदिया अपज्जत्तगा 13, सणिचिदिया पज्जत्तगा 14 / एएसि णं चउद्दसविहाणं संसारसमावण्णगाणं जीवाणं जहण्णुक्कोसगस्स जोगस्स कयरे 2 जाव विसेसाहिया वा ? गोयमा ! सव्वत्थोवे सुहमस्स अपज्जत्तगस्स जहण्णए जोए 1, बायरस्स अपज्जत्तगस्स जहण्णए जोए असंखेज्जगणे 2, बेइंदियस्स अपज्जत्तगस्स जहण्णए जोए असंखेज्जगणे 3, एवं तेइंदियस्स 4, एवं चउ. रिदियस्स 5, असणिपंचिदियस्स अपज्जत्तगस्स जहण्णए जोए असंखेज्जगुणे 6, सण्णिपंचिदियस्स अपज्जत्तगस्स जहण्णए जोए असंखेज्जगुणे 7, सुहुमस्स पज्जत्तगस्स जहण्णए जोए असंखेज्जगुणे 8, बायरस्स पज्जत्तगस्स जहण्णए जोए असंखेज्जगुणे 6, सुहुमस्स अपज्जत्तगस्स उवकोसए जोए असंखेज्जगुणे 10, बायरस्स अपज्जत्तगस्स उक्कोसए जोए असंखेज्जगुणे 11, सुहुमस्स पज्जत्तगस्स उक्कोसए जोए असंखेज्जगुणे 12, बायरस्स पज्जत्तगस्स उक्कोसए जोए असंखेज्जगुणे 13, बेइंदियस्स पज्जत्तगस्स जहण्णए जोए असंखेज्जगुणे 14, एवं तेइंदियस्सवि 15, एवं जाव सण्णिचिदियस्स पज्जत्तगस्स जहण्णए जोए असंखेज्जगणे 18, बेइंदियस्स अपज्जत्तगस्स उक्कोसए जोए असंखेज्जगुणे 16, एवं तेइंदियस्सवि 20, एवं चरिदियस्सवि 21, एवं जाव सण्णिचिदियस्स अपज्जत्तगस्स उक्कोसए जोए असंखेज्जगुणे 23, बेइंदियस्स पज्जत्तगस्स उक्को. सए जोए असंखेज्जगुणे 24, एवं तेइंदियस्सवि पज्जत्तगस्स उक्कोसए जोए असंखेज्जगुणे 25, चरिदियस्स पज्जत्तगस्स उक्कोसए जोए असंखेज्जगुणे 26, असण्णिचिदियपज्जत्तगस्स उक्कोसए जोए असंखेज्जगणे 27, एवं सण्णिपंचिदियस्स पज्जत्तगस्स उक्कोसए जोए असंखेज्जगुणे // 28 // 716 // दो भंते ! गैरइया पढमसमयोववण्णगा कि समजोगी कि विसमजोगी ? गोयमा ! सिय समजोगी सिय विसमजोगी। से केण→णं भंते ! एवं वुच्चइसिय समजोगी सिय विसमजोगी ? गोयमा ! आहारयाओ वा से अणाहारए अणाहारयाओ वा से आहारए सिय होणे सिय तुल्ले सिय अब्भहिए, जइ होणे असंखेज्जइभागहीणे वा संखेज्जइभागहीणे वा संखेज्जगुणहीणे वा असंखेज्ज
