________________ भगवई स. 24 उ. 1 919 गोयमा ! एगाए रयणप्पभाए पुढवीए उववज्जेज्जा / पज्जत्ताअसण्णिपंचिदियतिरिक्खजोणिए णं भंते ! जे भविए रयणप्पभाए पुढवीए गैरइएसु उववज्जित्तए से गं भंते ! केवइकालदिईएसु उववज्जेज्जा ? गोयमा ! जहण्णेणं दसवाससहस्सदिईएसु उक्कोसेणं पलिओवमस्स असंखेज्जइभागट्टिई. एसु उववज्जेज्जा 1 / ते णं भंते ! जीवा एगसमएणं केवइया उववज्जति ? गोयमा ! जहण्णेन एक्को वा दो वा तिणि वा उक्कोसेणं संखेज्जा वा असंखेज्जा वा उववज्जति 2 / तेसि णं भंते ! जीवाणं सरीरगा किसंघयणी प० ? गोयमा ! छेवटुसंघयणी प० 3 / तेसि णं भंते ! जीवाणं केमहालिया सरीरो. गाहणा प० ? गोयमा ! जहणेणं अंगुलस्स असंखेज्जइभागं उक्कोसेणं जोयण. सहस्सं 4 / तेसि णं भंते ! जीवाणं सरीरगा किंसंठिया 50 ? गोयमा ! हुंडसंठाणसंठिया पण्णत्ता 5 / तेसि णं भंते ! जीवाणं कइ लेस्साओ प० ? गोयमा! तिण्णि लेस्साओ प०, तं०-कण्हलेस्सा णीललेस्सा काउलेस्सा 6 / ते गं भंते ! जीवा कि सम्मदिट्ठी मिच्छादिट्ठी सम्मामिच्छादिट्ठी ? गोयमा ! णो सम्मविट्ठी मिच्छादिट्ठी णो सम्मामिच्छादिट्ठी 7 ते णं भंते ! जीवा किं णाणी अण्णाणी ? गोयमा ! णो णाणी अण्णाणी णियमा दुअण्णाणी तं०-मइअण्णाणी य सुयअण्णाणी य 8-9 / ते णं भंते ! जीवा कि मणजोगी वइजोगी कायजोगी ? गोयमा ! णो मणजोगी वइजोगीवि कायजोगीवि १०ते गं भंते ! जीवा कि सागारोवउत्ता अणागारोवउत्ता? गोयमा! सागारोवउत्तावि अणागारोवउत्तावि 11 / तेसि गं भंते ! जीवाणं कइ सण्णाओ पण्णताओ? गोयमा! चत्तारिसण्णाओ प०, तं०-आहारसण्णा भयसब्णा मेहुण. सण्णा परिग्गहसण्णा 12 // तेसि गं भंते ! जीवाणं कइ कसाया प० ? गोयमा ! चत्तारि कसाया प०,०-कोहकसाए माणकसाए मायाकसाए लोभकसाए 13 / तेसि णं भंते ! जीवाणं कइ इंदिया प० ? गोयमा ! पंचिदिया प०, तं0सोइदिए चक्खिदिए जाव फासिदिए 14 / तेसि णं भंते ! जीवाणं कइ समु. ग्घाया प० ? गोयमा ! तओ समुग्धाया 50, तं०-वेयणासमुग्घाए कसायसमुग्घाए मारणंतियसमुग्घाए 15 / ते णं भंते ! जीवा कि सायावेयगा असायावेयगा? गोयमा ! सायावेयगावि असायावेयगावि 16 / ते णं भंते ! जीवा कि इत्थीवेयगा पुरिसवेयगा णपुंसगवेयगा ? गोयमा ! णो इत्थीवेयगा णो
